اُس کی خُوشبو پیراہن میرا
پیمانہ آنکھیں نظارہ میرا
آشنا دھڑکن دل میرا
سُلگتی سانس جسم میرا
بکھرتی کسک لُٹنا میرا
گُلابی وصل تُحفہ میرا
ہاتھ سَندلی پگھلنا میرا
تڑپ اُس کی آنسُو میرا
کِھلتی دھُوپ جلنا میرا
ریشمی بِچھونا بستر میرا
چھَلکتی پیاس جام میرا
سِیلی رُت جنوُن میرا
آنگن چاند ٹھِکانا میرا
نام اُس کا وجوُد میرا
bazm-e-shamma 
یوں محسوس ہوتا ہے جیسے آپ نے جذبوں ، امنگوں مع حسرتوں کی دلکشا قوس قزح بکھیر دی ہو جہاں افق پر سارے رنگ پگھل رہے ہوں ، قطرہ قطرہ ، دھیرے دھیرے ، جیسے ماضی کے سب دریچے ” وا ” ہو رہے ہوں ، آھستہ آھستہ ، جیسے سرمئی یادیں اپنا دامن پھیلائے ، اپنی بانہوں میں سمیٹ رہی ہوں
–
محبت کیا ہوتی ہے ؟ الفت کا اظہار کیسے ہوتا ہے ؟ مروت کا ساز دل کی دھڑکنوں میں سما کر کیسے اپنی دھنوں کو چھیڑتا ہے
–
افق کے اس پار سے ، یادوں کے فاختائی اوراق پریشاں، جدائی کا عالم کیسے بیان کرتے ہیں ،
درد کی لذت اپنے دامن میں کیا کیا رکھتی ہے ،
بچھڑنے کے عمل سے وصل کی چاہت کا سفر کیسا ہوتا ہے ؟
یہ گداز من میں کیسے اترتا ہے ؟
–
یہ کھٹے میٹھے ، فطری اور جبلی جذبے کس کس روپ میں عیاں ہوتے ہیں اور ہماری زندگی کو کیسے متاثر کرتے ہیں
–
ہر سطر خوبصورت مگر منفرد نکھار اور سنگھار کے ساتھ قاری کو خود میں جذب کرتی چلی جاتی ہے ، جیسے پنگھٹ پر جدائی اور برہا کی نٹ کھٹ دلہن ، سولہ سنگھار کیئے ، ایک ناز ، ادا اور غمزہ و عشوہ کے ساتھ ، ہاتھ ہلا رہی ہو ،
–
غم مجھے حسرت مجھے ، وحشت مجھے ، سودا مجھے
ایک دل دے کر ،… خدا نے ..، دے دیا ، کیا کیا مجھے
–
آداب
LikeLike
Thanks so much for appreciating
LikeLike