اِیمان

گِرتے ہی سجدے میں خیال

آیا کہ کاش اُنہی قدموں

کے نِشاں پہ دَم توڑ دے عقیدت

میری پر دل یہ سوچ کے ٹھہر

گیا کہ عشق کی آزمائش اور

…ابھی ہے باقی

جس بندگی کی چاہ کرے دل

کہ وہی مہتاب لگے وہی حِدّت

بھی مگر یہ جان لے پھر کہ

خُدا کے جلوں میں ایک اور جھلک

…ابھی ہے باقی

جس نماز میں فریاد کرے آرزُو اور

کلمے میں محبُوب بسے اُسی دُعا کی

فرمائش کو اِنتہا کی سِیڑی چڑھنی

…ابھی ہے باقی

یقین کی درگاہ پہ ڈالیاں خُوب

مہکتی ہیں پھُولوں کی اور ایمان

کے جلتے چراغ نہاتے ہیں عرق کی

خُوشبو میں لیکن تعویِز کو پِرو کے

مالا میں گُلستان سجانا

…ابھی ہے باقی