Month: January 2016

کل پِھر تُمہیں نظریں ڈُھونڈتی رہیِں

دَر پہ دستک نے چونکا دِیا ہمیں

ایک آس کی کروٹ سے اُدھار جو لی تھی

اُس جُھوٹی خوشی نے ہنسا دِیا ہمیں

عَجب دوہرے خیال سرکش کرتے رہے

خاموش صداؤں نے ڈرا دِیا ہمیں

شاید نہ آؤ گے یہ حقیقت کھُلی جب

اُداسی کے بھنور نے رُلا دِیا ہمیں

اُس رات جب ہم بیٹھے تھے

نہ جانے کیا بات ہُوئ

کُچھ آہٹ کی آواز ہُوئ

کُچھ کانوں میں سرگوشی تھی

بارِش کی بُوند سے مِہک گئ

شاید کُچھ کِہنے کو ٹِھہر گئ

تُمہاری آنکھ کا وہ سِتارہ

نہ جانے کونسی فضا تَھم گئ

جیسے کوئ دستک دینے لگی

اُٹھو ! ڈُھونڈو اُسے تم

جو ایک نئ روشنی دِکھا تا ہے

جِسکے قدموں میں بارش ہے

اُسکے ہاتھ کی گرمی سے

وہ لمحہ پِگھلتا ہے

کیسے ہم نے دیکھا تھا

جب ایک شمٰع جلائ تھی

دُور ایک سڑک راستہ انجان مگر پتھرِیلا

ڈُھونڈتی یہ نظر ، بچپن کا سفر طے کرتے کرتے

دھندلا سایہ گہری نِگا ہیں اور اندازِقتل

کھوجتی یہ نظر ، بچپن کا سفر طے کرتے کرتے

جادؤِسراب میں چُھپے گِہرے نظر کے اُجالے

دیکھتی یہ نظر ، بچپن کا سفر طے کرتے کرتے

خواہِشوں کی باہوں میں جُھولتی آرزو ہو کوئ

چاہتی یہ نظر ، بچپن کا سفر طے کرتے کرتے

مِہکتے آنچل میں لِپٹی تمنّا ہے وہ تو

ترستی یہ نظر ، بچپن کا سفر طے کرتے کرتے

 

کاش تیری راتیں میرے خیال سے منسُوب ہوں

کیونکہ میرے خوابوں میں صِرف تُو جگتا ہے

کاش تیری صُبحوں پہ صِرف میرا راج ہو

کیونکہ میرے سَویروں پہ فقط تیری سَلطنت ہے

کاش تیری نظریں صِرف میری اور اُٹھیں

کیونکہ میری نِگاہیں صِرف تُجھےکھوجتی ہیں

کاش اِسی موڑ پہ تُو مِل جاۓ مُجھے

کیونکہ یہ گلیاں تیری آہٹ کی مُنتظِر ہیں

کاش تیری راہیں کبھی میری منزل بنیں

کیونکہ اِنہی راستوں کو اپنا آشیاں بنا لیا ہے

کاش مُجھے یاد کرکے تیری تڑپ جواں ہو

کیونکہ تُجھے یاد کرکے میری کسک ٹُوٹتی رہتی ہے

سُورج کی شوخ کِرنوں سے

کِناروں پہ بِکھرنے دو

شاموں کے چمکنے سے

شِیشوں کو پِگھلنے دو

مست ہوا کے ترّنُم سے

زُلفوں کو اُلجھنے دو

سمندر کی اِن لہروں سے

جل پری بن کے اُترنے دو

جیسے سمندر میں گِہرائ ہو

جیسے موج کسمسائ ہو

جیسے دُور کوئ طُوفان ہو

اور دھنک کا آسمان ہو

بس تُم میرے پاس رہو

بس تُم میرے پاس رہو

 

جیسے چاندنی کی ٹھنڈک ہو

جیسے بادلوں پہ دستک ہو

جیسے پھُولوں کی رنگت ہو

اور سِتاروں جیسا جہاں ہو

بس تُم میرے پاس رہو

بس تُم میرے پاس رہو

 

تَنگ آ چکی ہے میری رُو ح سِسکتے سِسکتے

اُکھڑتی سانسوں میں بے بسی چھُپا ۓ چُھپاۓ

لَڑتی ہوں ہر شب اپنی ہی تقدیر سے میں

تھکے ہا تھوں میں لَکیریں چُھپاۓ چُھپاۓ

جلے ہے اِک اِک قطرہ میرے خون کا اب تو

پیاسے ہونٹوں میں شبنم چُھپاۓ چُھپاۓ

بُہت درد مِحسوس کرتی ہُوں جسم وجاں میں ہر سُو

ادھوری مُحبّت میں تُم کو چُھپاۓ چُھپاۓ

چھَلنی دِل سے بڑی ٹِیس اُٹھتی ہے

نادان دھڑکن آہستہ آہستہ رُکتی ہے

بے زار سفرِخیال کی جانِب بڑھتے ہوُۓ

ایک سُنسا ن کھَنڈر کی طرف راہ مُڑتی ہے

شور برپا ہے خاموشیوں کے ڈھیر تلے

دبے آنسوؤں کے قا فلے میں رات ڈھلتی ہے

سُنہری بادل میں لِپٹی تقدیر ہو جیسے

ما تھے پہ مہتاب بن کے چمکتی ہے

رُوکھی رُوح کے گھنے جالے ہیں چار سُو

خالی مکاں کے  جھرونکے سے آرزو ٹپکتی ہے

شامِ زِندگی ڈھلتی جا رہی ہے اب تو

سفر میری جُستجو کا شُروع اب ہُوا تھا

شبِ فُرقت کی گِرفت میں ہیں آہیں میری

سفر میری قُربت کا شُروع اب ہُوا تھا

طوافِ آرزو کے نِشا ں مدھم ہوئے جا تے ہیں

سفر میری عقیِدت کا شُروع اب ہوُا تھا

آزمائشِ عشق کی با زی ما ت دیتی نظر آتی ہے

سفر میری جِیت کا شُروع اب ہوُا تھا

حرارتِ شمعٰ فنا ہونے لگی ہے اب تو

سفر میری رُوحانیّت کا شُروع اب ہُوا تھا

تِشنگی کیا ہے آرزو کی چاہ کِسے

تڑپے کون سِمٹے کون ایسا کیوں ہے

آہ کا اثر یہ سُرمئ شام ہو

جنوُنی کیفیت ایسا کیوں ہے

زنجیر کی بندش یہ چھنکتی پایل

شور کی لرزش ایسا کیوں ہے

صُبحیں روشن راتیں چاندنی

بے وقت سُلگنا ایسا کیوں ہے

سَحر کی قید اور حِصار کا نشہ

لُطف اندوز ہونا ایسا کیوں ہے

تِتلیوں سی پھڑپھڑا ہٹ یہ بے زاری

قوسِ قزح سا رنگین  ایسا کیوں ہے

کوئلے سی جلے برفِ تاثِیر

اِتنی خُماری کا عالم ا یسا کیوں ہے

عِشق کی آڑ میں قتل ہونا

جینے میں ہر پل مر نا ایسا کیوں ہے