Month: January 2017

مُدّتوں بعد آج اُسی

پِہلُو میں گُزرا ہے وہ

شاندار پَل جس کے

انتظار نے سانسوں

کو روکے رکھا تھا

…جیِنے کے لیۓ

مُدّتوں بعد آج اُسی

خوشبو کے وصل میں

کھِلی یہ پنکھڑی جس

کی تمنّا میں مُرجھا رہا

…تھا سارا چمن میرا

مُدّتوں بعد آج وہ

ستارے پُہنچے ہیں

کٹھِن سفر کو پار کر کے

جن کی پیاس میں یہ

مسکراہٹ ماندھ پڑی

…جا رہی تھی

مُدّتوں بعد آج اُن

نظروں میں جھانکا ہے

جن کے چمکنے کی

حسرت میں میرا آئینہ

…بِکھرتا جا رہا تھا

مُدّتوں بعد آج چُوما

ہے لبوں کی اُس رنگت

کو جن کی طلب میں

پھِیکے پڑ رہے تھے میرے

…ہونٹوں کے گُلاب

مُدّتوں بعد آج اُنہی

صندلی ہاتھوں کو تھاما

ہے جن کے لمس کی

چاہ میں یہ ہاتھ برف

…ہُوۓ جا رہے تھے

…بس اِتنا جاننا ضروری ہے

کیا آج بھی اُن خوابوں کی تعبیِر

میرے وجود کے تکیے سے آشنا ہوگی؟

کیا آج بھی وہ قاتل مُسکراہٹ

خیال میں میرے جھُومتی ہوگی؟

کیا آج بھی بھیگی فضائیں

اُس کی پلکوں پہ موتی بکھیرتی ہوں گی؟

کیا آج بھی اُس غزل کو سُن کر

اُس کی نشیلی کسک ٹُوٹتی ہوگی؟

کیا آج بھی وہ مہکتے گُلاب

اُسےمیری خوشبو کی یاد دِلاتے ہوں گے؟

کیا آج بھی میری پایل کی چھَنک

اُس کی حسرت میں برق لہراتی ہوگی؟

کیا آج بھی اُس کے لمحوں میں

شِدّت بے اختیاری کی چادراوڑھتی ہوگی؟

کیا آج بھی سِتاروں کے جھُرمٹ میں

وہ چمکیلی محفلیں تلاش کرتا ہوگا؟

کیا آج بھی سرد راہوں سے گُزرتے

وہ شمعٰ کی آگ میں جلتا ہوگا؟

…بس اِتنا جاننا ضروری ہے

…بس اِتنا جاننا ضروری ہے

بے زار ہے شِکن جس سِمت بھی چل نکلوُں

نہ جانےاِس راستےکی منزل ہے بھی کہ نہیں

بے صبر دل تباہ کرنے کو ہے ذات میری

نہ جانے اِس غم کی اِنتہا ہے بھی کہ نہیں

بکھر گۓ سبھی شیِشے میرے آئینے کے

نہ جانےاِس دراڑمیں جوڑ ہے بھی کہ نہیں

پچھتاوے کی ڈور سے بندھ گیا ہے ماضی

نہ جانےاِس تعلّق کی صُبح ہے بھی کہ نہیں

فریب کے پاؤں چلنے لگے ہیں سیدھی چال

نہ جانےاِس سازش میں مات ہے بھی کہ نہیں

اُس کھِلکھلاتی ہنسی کو

اُس جھِلملاتی لِہر کو

اُس چمکتی کرن کو

اُس کَسمساتی اَگن کو

…اکثر میں یاد کرتی ہُوں

…اکثر میں یاد کرتی ہُوں

اُن بانہوں کے دائروں کو

اُن نظروں کے شراروں کو

اُن لبوں کے پیالوں کو

اُن شانوں کے سہاروں کو

…اکثر میں یاد کرتی ہُوں

…اکثر میں یاد کرتی ہُوں

اُس وصل کے لمحے کو

اُس بے لوَث طلب کو

اُس آزاد پرندے کو

اُس انمول دَور کو

…اکثر میں یاد کرتی ہوُں

…اکثر میں یاد کرتی ہُوں

 

 

کِس جُرم کی ہے یہ سزا پتا تو چلے

دل لگانا گر گُناہ ہے تو یہی سہی

صبر بھی ہے بے چینی کی قبر میں بَند

موت کو گلے لگانا ہے جب تو یہی سہی

سُنائی ہے قیدِ با مُشقّت میرے محبوب نے

ہنس کےزِندان میں جل جاناہےتو یہی سہی

نہ کوئی سوال میں کروُں نہ تُمہیں کوئی فکر

چُپکے سے زہر یہ پی جانا ہے تو یہی سہی

اَب نہ طلب کوئی کھٹکھٹاۓ گی تُمہارا دَر

خُود سے رُوٹھ جاناہےاگر تو یہی سہی

میں سو جاؤُں گی سیاہیِوں کے ملبوس تلے

کہکشاں کو گر منانا نہیں تو یہی سہی

ڈھال بنا کے جس مقصد سے توڑا ہے دل

اِس رُوح کو گر مار ڈالنا ہے تو یہی سہی

کیا کریں کہ آرزُو شِکست کھاتی نہیں

کیونکہ رات اِس کی کبھی ڈَھلتی نہیں

دل ضِد کرے کہ جانا ہےاِسی سِمت

کیونکہ کسی اورجانب راہ مُڑتی نہیں

چاہت جاگی ہے بڑی تگ و دَو کے بعد

کیونکہ ہِمّت اَب آنچل چھوڑتی نہیں

مِلے گی منزل ضرور یہ عِلم ہے مُجھے

کیونکہ عشق کی سیڑی میں اُترتی نہیں

اِس رُکاوٹ کو سمجھا پتھّر تُم نے

میں یہ سمجھی کہ یہ حاصلِ منزل ہے

جس مُحبّت کو سمجھتے ہو دھُول تُم

میں یہ سمجھی کہ یہ حاصلِ دریافت ہے

جس مقصد کے آڑے آۓ کوشش تُمہاری

میں یہ سمجھی کہ یہ حاصلِ عہد ہے

تُمہیں لگا کہ زخم بن جاۓ گا درد یہ

میں یہ سمجھی کہ یہ حاصلِ علاج ہے

جس رُسوائی میں دل شرمسار کرے تُمہیں

میں یہ سمجھی کہ یہ حاصلِ وقار ہے

کُچھ رہے نہ باقی رنگ میں اگر

رہے گی سُرخی اِن لبوں پہ صدا

چمن اُجڑ جاۓ تو شکوہ نہیں

کھِلے گی دھنک اِس رُخسار پہ صدا

نہ گِلہ ہو کہ رُوٹھے دل سے کرن

پِگھلے گی آگ اِس بدن پہ صدا

نہ کھولے کوئی کِواڑ اُمیِدوں کے

ٹیکے گی ماتھا اِس دَر پہ صدا

جکڑا ہے چاندنی کو گھٹا نے ایسے

چَھنے گی شُعاع اِس آنگن پہ صدا

مایوُس نہ ہو گر شمعٰ بُجھنے لگے

جلے گی دوبارہ اِس مقام پہ صدا

لین دین کر کے دیکھیں گے

…اب عبادت سمجھ کر

اِظہار کرے گی خامِشی

…اب عقیدت سمجھ کر

در گُزر کرے گی اَنا

…اب بے کسی سمجھ کر

آزماؤُں گی خفگی کو

…اب اپنایّت سمجھ کر

نۓ زاویۓ سے پڑھُونگی

…اب قُرآن سمجھ کر

یقین کی بازی جیِتے گی

…اب میدان سمجھ کر

عادت کو بھُولنا ہو گا

…اب بے غرضی سمجھ کر

سیاست بدلے گی نۓ رُوپ

…اب مُحبّت سمجھ کر

سُلانا چاہتے ہیں شور و غُل جسے

وہ آندھیاں دَب نہیں سکتیِں

اوڑھاتے ہیں کالی رات تلےساۓ

وہ روشنیاں چُھپ نہیں سکتیِں

کھِلے ہنسی میں پِنہاں اَشک جہاں

وہ بارشیں تھَم نہیں سکتِیں

ہے ہلچل آگ کےسیلاب میں جتنی

وہ تباہِیاں رُک نہیں سکتیِں

مِٹا دےاصُول جو زِندگی کی زینت

وہ رُسوائیاں ٹھِہر نہیں سکتیِں

پڑیں لاکھ تماچے ضِد کی چاہ میں

وہ ڈِھٹائیاں ہَٹ نہیں سکتیِں