Month: February 2017

اَسیر ہےدل اُس عاشق کی عبادت گاہ میں

محبّت کی نماز سجدے کرنا جانتی ہے

جو کہے صنم رات تو میں تارےگِنتی جاؤُں

کہکشاں فقط اپنا آنچل پھیلانا جانتی ہے

اُس حُکم کے آگے ڈال دیتی ہُوں ہتھیاراکثر

سلطنت تو آخری فیصلہ سُنانا جانتی ہے

پتنگ ہُوں کہ بےاِختیاری میں ہےاُڑان اپنی

عشق کی ڈوری رُخ ہوا کاموڑنا جانتی ہے

شمعٰ قید ہے قُربت کے دلفریب پنجرے میں

غُلامی جنون کےحِصار میں جکڑنا جانتی ہے

جیسے ہی ٹَپ ٹَپ

بُوندوں نے مہکایامیرے

آنگن کا دل تُم یاد آۓ

…مُجھے جانم

جیسے ہی رِم جھِم

کی پھُوار سے تَر

ہُوا میرےگُلشن

کا بدن تُم یاد آۓ

…مُجھے جانم

جیسے ہی چھَم چھَم

پایل کی جھنکار نے

چوُمی بارش کی

اُلفت تُم یاد آۓ

…مُجھے جانم

 

کون چاہے گا تُمہیں مُجھ سے بڑھ کر اِتنا

سُنو کہ کیا کہتی ہے دھڑکن تُم سے میری

جس طرح سے تڑپ رہی ہُوں تُمہارےعشق میں

دیکھو کہ کیا کہتی ہے تِشنگی تُم سے میری

کس بہانےسےڈھونڈے ہےاُس دید کی طلب مُجھے

سوچو کہ کیا کہتی ہے دیوانگی تُم سے میری

جن خوابوں کے بستر پہ سوتی ہُوں سر رکھ کے

جاگو کہ کیا کہتی ہے خواہش تُم سے میری

جہاں رگوں میں دوڑیں تِتلیاں تُمہارے نام کی

سمجھو کہ کیا کہتی ہے شِدّت تُم سے میری

چھُوتے ہی اُس ذُلف کی لہراتی

خُوشبو نے لی انگڑائی اور سانسوں

سے برستی گرم مِہک میں دُھلے

…کئی نَو رنگ آنچل

مخمل سی ریت پہ چمکتے تاروں

نے جب چُومے بدن گُلاب کے تب

صندلی شبنم میں رَچی بے شُمار

بُوندوں نے چکھی شرابوں کی

…کئی نو خیز کلیاں

تِشنگی کی بے قابو آرزو بھڑکاتی

رہی اُس آگ کو اور لِپٹی رہی ہونٹوں

سے موم اور بے بسی کے پیراہن

نے پہنے مرمریں لباس جن کی زینت

…سے روشن ہُوۓ کئی نوَ نیاز عاشق

یہ وہی میں ہُوں

..جس کے خواب دیکھتے ہیں سُرخ  گُلاب

یہ وہی میں ہُوں

..جس کی چاندنی میں داغ ڈھونڈتے ہیں سب

یہ وہی میں ہُوں

..جس کو گِرا کے خوش نظر آتے ہیں دل

یہ وہی میں ہُوں

..جس کی آڑان کو دیکھ سکتا نہیں کوئی

یہ وہی میں ہُوں

..جس کی کامیابی کرتی ہے اِعلان سرِعام

یہ وہی میں ہُوں

..جس کے دُکھ میں راحت جلوہ گر ہے

یہ وہی میں ہُوں

..جس کے ٹُوٹتے دل کی آواز سُنتا نہیں کوئی

یہ وہی میں ہُوں

..جس کو دیکھ کےجلتے ہیں اپنے بھی بیگانے بھی

یہ وہی میں ہُوں

..جس کی آنکھیں دیتی ہیں ثبوت مُحبّت کا

یہ وہی میں ہُوں

..جس کے وجود سے گھبراتی ہے اندھیر نگری

یہ وہی میں ہُوں

..جس کی سانسیں کرتی ہیں بغاوت کا مدعوٰی

اور یہ وہی میں ہُوں

..جس کے عشق میں سجدے کرتی ہے سلطنت

سچ ہےاُس کی تڑپ میں

سکُون مِیٹھی نیند سوتا ہے

سچ ہے اُس کے راستوں میں

کانٹوں کی سرحدیں ہیں

سچ ہے خواب کے پردےاُسے

ریشمی آنچل پہناتے ہیں

سچ ہےاُس کی مایوسی میں

اُمید چراغ جلاتی ہے

سچ ہے اَشک کی صداؤں میں

دُعائیں رنگ لے آتی ہیں

سچ ہے شعلوں کے رُخسار پہ

جنّت کا شاہی تاج ہے

سچ ہے جل کے ایندھن میں

پتھر ہی کُندن بَنتا ہے

تب چاند میرے آنگن میں روز اُترتا تھا

…اَب ہتھیلی پہ قدم جماۓ ہے

تب چاند نے کیۓ تھے چمن گُل و گُلزار

…اَب زرّہ زرّہ رُوح مِہکاۓ ہے

تب چاند کے نُور سے چمکا تھا صحن اپنا

…اَب جسم پہ ٹھنڈک برساۓ ہے

تب چاند کے وِرد میں تارے گھومتے تھے

…اَب نظروں سے رات جگمگاۓ ہے

تب چاند کے رنگ میں سِمٹی تھی شوخی

…اَب عشق میں کائنات جھِلملاۓ ہے

تب چاند کے خُمار میں شمعٰ جلی تھی

…اَب قطرہ قطرہ موم پِگھلاۓ ہے

…دیکھو!  وہ کس کے آنے سے

چاند زرا سا بِہک گیا

مُرجھایا دل کُچھ مِہک گیا

…دیکھو ! وہ کسی کی خُوشبو سے

مُعطّر ہُوا میرا آشیانہ

امِیر بنا یہ غریب خانہ

…دیکھو! وہ کس کی آہٹ سے

ستاروں نے رُخ بدل لیا

گُلوں نے سحر میں جکڑ لیا

…دیکھو! وہ کس کی رنگت سے

نوُر پھیلا ہے میرے آنگن میں

جادُو جاگا ہے اِس چمن میں

… دیکھو! وہ کس کی نظروں سے

مُنوّر ہُوۓ ہیں میرے پیمانے

سجےہیں ہونٹوں کےمے خانے

…دیکھو! وہ کس کی شان سے

بڑھا ہے فخر وقار کا

نِکھرا ہے بدن حِصار کا

…دیکھو! وہ کس کے وجود سے

پِہنا ہے مسرّت کا تاج میں نے

لمحوں کو بنایا ہے خاص میں نے

…دیکھو ! وہ کس کی تحریر سے

مِلا ہے مُحبّت کا پیغام ایسے

سُنا ہے عقیدت کا راگ ایسے

…دیکھو ! وہ کس کے سُلگانے سے

شِدّت میں جلی ہے شمعٰ آج

حِدّت میں گھُلی ہے شمعٰ آج

…اِنتہا ہُوں میں

اِبتدا ہو تُم میرے کارواں کی

…راکھ ہُوں میں

زندگی ہو تُم میرے بیاباں کی

…گُلاب ہُوں میں

خُوشبو ہو تُم میرے گُلِستاں کی

…خیال ہُوں میں

حقیقت ہو تُم میرے خیاباں کی

…راز ہُوں میں

چادر ہو تُم میرے آسماں کی

…شمعٰ ہُوں میں

موم ہو تُم میرے آشیاں کی

گُستاخی کرے نظر جو

سزا مِلتی ہے رُوح کو

ہاتھ جو پہنیں ہتھکڑی

سزا مِلتی ہے آزادی کو

غلطی پر ہو جب جہاں

سزا مِلتی ہے ذات کو

نِیّت کرے گُناہ اگر

سزا مِلتی ہے بدن کو

عشق کےسفرمیں ہوں جب

سزا مِلتی ہے عقیدت کو