Month: February 2016

دردِ دل نا مُکمّل

چین و حسرت نا مُکمّل

دھڑکنِ دِل بے زار

رَگ و جاں نا مُکمّل

بے دِل رونقِ ہنسی

شوخئِ زنجیِر نا مُکمّل

لکیِرِ نصیب ِ یار

حیاتِ بندَگی نا مُکمّل

سِلوٹِ ریشمِ دہلیِز

عادتِ خُمار نا مُکمّل

بے خود خواہشِ وصل

جلوۂِ نظر نا مُکمّل

آنسوُ چُھپائیں کب تک نِیندیں گنوائیں کب تک

کِرن تو دستک دے چُکی سوگ منائیں کب تک

قِسمت کی آڑ میں چُھپی بربادی نظر آئ تو

دامن میں آگ بُجھانے کے ڈر کو چُھپائیں کب تک

تیرے ساۓ نے در کھولے ہیں موت کے چاروں اَور

ذِندگی کے پیچھے بھاگتےخود کو رُلائیں کب تک

میری بے بسی نے ہاتھ پَکڑا ہے میرا کُچھ اِس طرح

تیری کسک کی خوشبُو سے پِیچھا چھُڑائیں کب تک

رات کی سیاہی پہ کہکشاں کا رقص دیکھا تو ہے

ادھُورے چاند کی تنہائ کے داغ کو ٹُھکرائیں کب تک

جَلتی بُجھتی تِلمِلاتی یہ چِنگاریاں

رگ و جاں کو پِگھلاتی یہ چِنگاریاں

آبِ آتش سے چیِرتی حُسن و خاک کو

دِیوارِ جِسم کو تڑ پاتی یہ چِنگاریاں

قطرۂِ شبنم رُواں رُواں کرے جان وتن

گرم ہونٹوں کو پِلاتی جام یہ چِنگاریاں

کسک اُترتی رہی آنچِ پیاس سےسِیلی

جاذبِ رُوح بھڑکاتی رہی یہ چِنگاریاں

ہے لمسِ شُعلہ پہ طاری جنُون و عرُوج

اداۓ انگڑائی جگاتی یہ چِنگا ریاں

حِدّتِ وَجد میں گُھلتے ملائِم افسانے

مومِ شمعٰ کو بِہکاتی یہ چِنگاریاں

میرا دِن تُو ہے اور رات بھی تُو

جو ہر بات کہوُں اُس بات میں تُو

تیری جُستجُو ہو فقط اور خیال میں

دِل کی دھڑکن اور نرم جذبات میں

قدموں میں بیٹھے ہیں سَر جھُکاۓ ہُوۓ

باہوں میں بھر لو ، ہیں دامن پھیلاۓ ہوُۓ

چمپئ پھُول سے مِہکا دُوں جِسم تیرا

خوشبوِ عِشق میں نِہلا دُوں حُسن تیرا

مُحبّت میں بے بس ہوُۓ جاتے ہیں

روحِ جانم میں اپنا نِشاں چھوڑے جاتے ہیں

لبوں کو لرزنے دو سانسوں کو اُکھڑنے دو

سردی کی راتوں میں چاہت کو سُلگنے دو

یہ طلِسماتی چشم یہ بھرپور ہاتھ تُمہارے

بھریں وجُود میں زہر نظر میں شرارے

مِحفل میں بے خُودی سی طاری ہو گئ

شمعٰ جو اپنی تھی وہ تُمہاری ہو گئ

اِس بے خُود بارِش میں

برس جانے کو جی چاہتا ہے

چھم چھم ناچتی مستی میں

پایل چھنکا نے کو جی چاہتا ہے

خود پہ بے حد اِتراتے ہوُۓ

لُٹ جانے کو جی چاہتا ہے

بارش میں چہرہ چُھپا کے

شرمانے کو جی چاہتا ہے

گِیلی مِٹّی کی خوشبو سے

مِہک جانے کو جی چاہتا ہے

پسِ آئینہ عکسِ یار نظر آتا ہے

اپنا آپ مجھے دِلدار نظر آتا ہے

میں کون ہُوں یہ ذات اِک پہیلی ہے

ہاتھ کی لکیروں میں اُس کا نام نظر آتا ہے

مُجھ سے ذیادہ وہ مُجھ میں شامِل ہے

قطرہِ خوُن بھی اب انجان نظر آتا ہے

چَمکتے رہو تُم میری سَر ذمین پر

اِس آنچل کو بس سِتاروں کا پتہ آتا ہے

ہر لمحہ اب دھڑکنیں سُنائ دیتی ہیں

میرے دِل پہ تیرا پیغامِ قیام آتا ہے

جانِ شمعٰ پہ ہے سَلطنت تیری صنم

میری رُوح کے تُو آر پار نظر آتا ہے

خا موشی کو سُنتے رہنا ، پل پل آہیں بھرتے رہنا

اُس کی یاد میں جلتے رہنا ، پل پل راتیں جگتےرہنا

ہر ا یک تارا گِنتے رہنا ، اور گِنتے گِنتے روتے رہنا

تَن سے اپنے لِپٹے رہنا ، پل پل ایسے سِمٹتے رہنا

دِل کا ا یسے دھڑکتے رہنا، سانسیں یوں اُکھڑتے رہنا

ایسے جِینے میں مرتے رہنا، ہر پل خود سے لڑتے رہنا

ا ب ٹھِہر بھی جاؤں تو سنبھلنا کیسا

بِکھروُں تو فتِح ٹُوٹُوں تو قضا ہوگی

اِک صدی سے لِپٹی ہُوں سفید چادر میں

سِمٹوُں تو راکھ پھیلُوں تو شعاع ہوگی

فاصلے ہیں میرے اور سِتا روں کے بِیچ

چھوُؤں تو پیاس پاوُں تو ادا ہوگی

شمعٰ سے شِکست منظوُر کرنی ہوگی

جلُو ں تو رِہائ پِگھلُوں تو اِنتہا ہوگی

میر ی تِحرِیروں کو نہ سمجھ ایک خیال مِحض

اِن میں ہر دَم رِہتے ہیں جان و دِل میر ے

یہ تُحفہ ہے گُزارے ہوُۓ حسِین لمحا ت کا

اِن میں ہر دَم بَستے ہیں رات و دِن میرے

نِکھر رہی ہے جو حیا ت اِن کی پِہچان سے

اِن میں ہر دَم جگتےہیں سوز و ساز میرے

سُخن وَری آئینہ ہے میری رُوحِ رواں کا

اِن میں ہر دَم جھلَکتے ہیں تمام و کمال میرے

تاب کار ہیں دِلبر کی ذِیست سے یہ لفظ میرے

اِن میں ہر دَم مِٹتے ہیں نام و نِشان میرے

 

مُحبّت کی اُونچی دِیواروں کو چھوُ لُوں

اِن مِحلوں کے شاہانہ دروازوں کو چھُو لُوں

دِل پزیر گَلیوں کی رونق پہ قُربان جاؤں

اِن گُلابی راہوں کی مِہکتی کلیوں کو چھُو لُوں

حُسن و شباب کے قاتِل انداذ پہ مَر مِٹوُں

اِن جادوئ اثرات کی پِگھلتی شبنم کو چھُو لُوں

فرِشتہءِ عشق کے پاک قدموں میں دم توڑ دُوں

اِن مُعتّبر جذبات کے سُرخ ہونٹوں کو چھُو لوُں