Month: May 2016

خوُد کو پِیتی ہوُں جب آئینۂِ نشے سے ٹکراتا ہے یہ دل

فَقط اُس کی آنکھوں میں ڈُوبنا ہے، اورکوئی آرزُو بھی نہیں

قِصّۂِ ذات  تمام ہُوا اُن دھڑکنوں نے جب کروٹ لی

فَقط اُس کی سانسوں میں جھُولنا ہے،اور کوئی چاہ بھی نہیں

تڑپتی ہے رُوح جب شِدّتِ کسک چُومے بدن کی کلیاں

فَقط اُس کی باہوں میں جُھومنا ہے،اور کوئی خواہِش بھی نہیں

اُس حصارِ خوُشبو میں دَم توڑتے ہوۓجب رُوبرُو ہونے لگوں

فَقط اُس کی آغوش میں لُٹنا ہے،اور کوئی تمّنا بھی نہیں

سایۂِ وجُود کی کشِش میں جب بے خوُد ہونے لگے شمعٰ

فَقط اُس کی گردِش میں گھُومناہے،اور کوئی حسرت بھی نہیں

وہ جام ہے جس کے لَب کو

چھُوتے ہی بھر جاتے ہیں

راستے سبھی جن کے سبب

سے تڑپتی سانسیں پیاس

کی تلاش میں سمندر کا

رُخ کریں بھی تو باوجُود

…ڈوبنے کے ڈُوب نہیں سکتیں

کُچھ بہکتے لمحوں کے مخمور

تصوّرات  ٹھہر گۓ ہیں پلکوں

کی قطاروں پر جن کی دھڑکن

ایسے شور کو جگاتی ہے جس

میں پِگھل کے شبنمی آنچ باوجُود

…بُجھنے کے بُجھ نہیں سکتی

جس تپِش کی گردش میں

سُلگ رہا ہے بدن ایسے کہ

رُوح مُکمّل بھی نہیں اور

ادھُوری بھی نہیں تب بڑھتے

گھَٹتے جذبات میں بہتے

شراروں کی شوخیاں باوجُود

…تَھمنے کے تَھم نہیں سکتیں

 

….اُس کے شہر کی گلیوں میں

پُھول کِھلتے ہیں بے حساب اور

گھٹاؤں کے پردوں سے چَھنتی

دھُوپ مُحبّت برساتی ہے

….اُس کے شہر کی گلیوں میں

سُورج میرا نام لیتا ہے اور

چُومتا ہے اِس بدن کی

دِیواروں کو جب تِتلی بن

اُڑنے لگتی ہُوں

….اُس کے شہر کی گلیوں میں

مُسکراہٹ جب دبے پاؤں

آتی ہے اور رونق شاہانہ انداز

میں دستک دیتی ہے تو زندگی

اور خُوبصورت ہو جاتی ہے

….اُس کے شہر کی گلیوں میں

سُناتی ہے صبا عشق کی

کہانیاں تب چاروں اُور

گُلاب کی پنکھڑیاں رقص

کرتی نظر آتی ہیں

مُجھ سے شناساں ہے وہ قاتل دھڑکن

آشنائی کی حد گرَ شکست دے تو کیا کیجیۓ

اندھیرا خُوب چمکتا ہے اُس کے آنگن میں

روشن میری گلیاں گرَ ہوں تو کیا کیجیۓ

چاند سجدے کرتا ہے اُس کے قدموں میں

عبادت میں گرَاُس کا نام لُوں تو کیا کیجیۓ

دھنک اُدھار لیتی ہے اُس سے نۓ رنگ

اُس کے رُوپ میں گرَ نہا لُوں تو کیا کیجیۓ

شام اُن نظروں کی تاب سےحسن و جوان ہے

اِس جوبن پہ گرَ وہ اپناکرم کر دےتو کیا کیجیۓ

اُس کے وجُود میں چمک ہے بے پناہ ہیِرے سی

تراش لے گرَ وہ موم سے یہ جسم تو کیا کیجیۓ

مُحبّت کی کَڑی زنجیِرمیں بندھےہاتھ ہیں

سِتم گر نے قیدِ عاشقی میں مزارکھا ہے

سیلابِ درد میں چُھپا سرُور کا دریا ہے

سِتم گر نے بربادئِ دل میں مزا رکھا ہے

خُود کےآنسو پیتےہیں آبِ مےسمجھ کر

سِتم گر نے پیالۂِ زہر میں مزا رکھا ہے

شمعٰ اپنے وجود کو مِٹتا دیکھ رہی ہے

سِتم گر نے سوزِ آتِش میں مزا رکھا ہے

چُنتے لمحوں کے عکس میں کِھل رہے ہیں بھیگے پل

ٹُوٹ کے برسیں گے مُلاقات کے گہرے سایوں میں

سرشار ہے دل وصل کی حسین مِحفل سجانے کو

لِپٹ کے سمائیں گے باہوں کے نشِیلے سایوں میں

راحتِ چاہ میں سُلگتےارمان حد سےگُزرجائیں گے

بکھرکےسِمیٹیں گےجسموں کےمخملی سایوں میں

کِسی راستے بھی چل نِکلوُں

تیری آنکھیں پِیچھا کرتی ہیں

گہری جھیل کےعکس تلےچُھپے

ڈوبتی کِرنیں پِیچھا کرتی ہیں

سبز دوپہر کی تازگی میں بسے

روشن راہیں پِیچھا کرتی ہیں

تیری یاد کی شعاعوں میں گُونجتی

ایسی صدائیں پِیچھا کرتی ہیں

 

اُس کے ہاتھ کی خوشبو

ابھی تک اپنے جسم کے

گوشوں میں گردش کرتی

محسوس ہوتی ہے اور اِس

مہک کے سرُور سے  بھرنے

لگے جب رُوح کا آسمان تب

میرے دل کے مِحل میں

….تِتلیاں ناچتی نظر آتی ہیں

سوچتے ہُوۓ جب اپنی ذُلف

ایسے اُنگلی میں لَپیٹوُں تو

اُس کی پیار بھری نظر ایسے

چمکنے لگتی ہے  جیسے کالی

بَدلی سے جھانکتے چاند کی

شوخ کِرن فرش پہ قادر ہونے

لگے اور اِس روشنی سے میرے

حُسن کی  خورشید گلیوں میں

…..تِتلیاں ناچتی نظر آتی ہیں

اِنتہأِ قُربت کی آگ

میں جلتے ہُوۓ اِن

نظروں کی شام سے

جب چراغاں ہوتا ہے

اور لَب سُرخ شام میں

جذب ہونے لگتے ہیں تب

چھلَک جاتی ہے سُرمئ

آنکھ جس کو چُومتے ہی

نِگاہِ یار کا ستارہ جس کے

سَبب سے اُکھڑتی سانسوں کا

…..جنون جوش مارنے لگتا ہے

ساغرِ حُسن کی ڈگمگاتی

چال جب نشِیلے پیمانوں کو

چُھولے تب پَلکوں سے ٹکراتی

چِلمن اُلجھتی ڈوروں کو کھولنے

لگتی ہے اور دھیمی سرگوشی

روح میں اُتر جاتی ہے پھر یُوں گیِلی

موم کی مِہک  سے نوخیز کلیوں کا

…..جنون جوش مارنے لگتا ہے

بے اِختیاری کی اُڑان میں مُسکراتے بے قید پَل آزاد ہیں

کیسے سمبھالیں گے بےلگام وقت میں چُھپے حِصار کو

بے بس لمحوں کی آڑ میں بے خوف رنگین اِرادے اَٹل ہیں

کیسے تھامیں گے بے خُودی میں بسے تلا تُمِ جذبات کو

بے حِساب و اِنتہا میں ٹُوٹتے بے پرواہ جسم و جان ہیں

کیسے روکیں گے بے کَل آوارہ شُعلوں کے سُلگتے ساز کو

بے مثال عشق کے مِحور سے آراستہ ہے بے پناہ گُل رُخ

کیسے سمیٹیں گے بے چین کروٹوں کے شبنمی جالوں کو