Month: June 2017

کتنے پَلوں میں یاد کتنی

اور اِس تڑپ میں آہ کتنی

پھر اِن اَشکوں میں کسک کتنی

..اِس درد سے آشنا ہے فقط یہ دل

کتنے فاصلوں میں دُوری کتنی

اور اِس سزا میں مُدّت کتنی

پھر اِس قید میں بے بسی کتنی

..اِس بندش سے آشنا ہے فقط یہ دل

کتنے سِلسلوں میں چاہ کتنی

اور اِس تعلّق میں دوستی کتنی

پھر اِس راز میں گِہرائی کتنی

..اِس لگن  سے آشنا ہے فقط یہ دل

آج رات چاندنی ہے تو سہی

پر چاند کو دیکھا نہیں اب تک

اُجالے ضرور ہیں فضاؤں میں

پر کِرنوں کو پایا نہیں اب تک

کھنکی ہیں چوڑیاں بے حِساب

پر دھڑکن کو سُنا نہیں اب تک

ہتھیلی رنگی ہےاُس کے نام سے

پر ہاتھوں کو چُوما نہیں اب تک

رات سج تو گئی ہے سِتاروں سے

پر نظروں کو چھُوا نہیں اب تک

کالی کجری یاد سے نِکلی

…کھیلتی آنکھ مچولی وہ

کُہرے میں جلتی ڈھَلتی

…ایسی بُوجھ پہیلی وہ

چُنتی رَس بِن بُجھاۓ

…پیاسی تنہا سہیلی وہ

درد کے مُنڈیر سے تکتی

…مست ملنگ اکیلی وہ

کرے یقین کوئی اُس پہ

…کٹورا سنگ لِیۓ پھِرتی وہ

بِن جیِا گُزارا نہیں اَب

…دَر دَر پھِرے بھٹکتی وہ

عشق کا وعدہ یاد دِلایا

…چاند سجاۓ ہتھیلی وہ

 

کبھی چُومتی ہے قدم تو کبھی دُھتکار دیتی ہے

قُربان جاتی ہُوں اِس زندگی کے کھیل پر

کبھی نوازے ہے اِنعام سے تو کبھی چھِین لیتی ہے

مُسکرا  لیتی ہُوں اِس زندگی کے کھیل پر

کبھی دیکھتی ہے چاہ سے تو کبھی تھامے بے رُخی

حیراں ہو جاتی ہُوں اِس زندگی کے کھیل پر

کبھی اُٹھا لے بانہوں میں تو کبھی گِرا دیتی ہے

چند اَشک بہا لیتی ہُوں اِس زندگی کے کھیل پر

جُستجؤِ اُلفت کے شوق میں ہے اُترنا ہمیں

دستُورِ دُنیا کے اِرادوں سے ہمیں کیا کام

خُوشبؤِ پیراہن کی چھاؤں میں ہےسونا ہمیں

جنجالِ دُشواری کےمنصُوبوں سے ہمیں کیا کام

شِدّتِ جنوں کے شُعلوں میں ہے جلنا ہمیں

جوشِ دُشمناں کے جذبوں سے ہمیں کیا کام

پیمانۂِ مے کے سانچے میں ہے ڈَھلنا ہمیں

ہوشِ زمانہ کے پرستاروں سے ہمیں کیا کام

ہر رات وہ میرے ساتھ رہا

..ایک میٹھا اِنتظار بن کر

اور سرہانے بیٹھ گیا

..ایک شرمیلا خواب بن کر

پھر رُوح بھِگوئی اُس نے

..ایک مہکتا گُلاب بن کر

اور کھینچی لہر دھڑکن کی

..ایک سُریلا ساز بن کر

دیتا رہا سرُور وہ دھیمے دھیمے

..ایک نشیلا جام بن کر

تب روشن کِیۓ چراغ اُس نے

..ایک چمکتا مہتاب بن کر

اِن آنکھوں میں وہ افسانے نہ رِہ جائیں

ڈرتا ہے دل اِس خیال سے بار بار میرا

کہِیں شاخ سے ٹنگے زمانے نہ رِہ جائیں

ڈرتا ہے دل اِس خیال سے بار بار میرا

اِس راکھ میں جلتے آشیانے نہ رِہ جائیں

ڈرتا ہے دل اِس خیال سے بار بار میرا

موسمِ ہِجر کے لَب سُہانے نہ رِہ جائیں

ڈرتا ہے دل اِس خیال سے بار بار میرا

شمعٰ کی یاد میں تنہا پروانے نہ رِہ جائیں

ڈرتا ہے دل اِس خیال سے بار بار میرا

ہر موڑ پہ بِچھے ہیں نِشترِ آزمائش یہاں

ہار مانُوں تو مُشکل سامنا کروں تو مُشکل

تَلخ ہے سَچ اور کڑوی لگے شراب اب

پِی جاؤُں تو مُشکل چھوڑ دُوں تو مُشکل

گُلاب کے تکیۓ تلے جاگے ہےخیال ایک

سوچُوں تو مُشکل تَرک کر جاؤُں تو مُشکل

وہ کریں ہیں شکوہ خلُوص کا ہم سے

ثابت کروں تو مُشکل چُپ رہُوں تو مُشکل

ہمیشہ رہے گا جمالِ مہتاب جاویدہ

اور برستی رہے گی روشنی مُحبّت بن کر

ہمیشہ کھِلیں گے پھُول شاخوں پر سفید

اور مہکے گی جوانی  مُحبّت بن کر

ہمیشہ طلُوع ہوگا آفتاب اُس کے نام سے

اور لِکھی جاۓ گی داستان مُحبّت بن کر

ہمیشہ کروٹ لے گا خواب نیند کے بِچھونے

اور خوابِیدہ ہوں گی پلکیں مُحبّت بن کر

ہمیشہ رہے گی میری چاہت تُمہارے لیۓ

اور رُوح اوڑھے گی آنچل محبّت بن کر