Month: October 2016

کیاکوئی احساس اِس سےزیادہ حسین ہوگا؟

…جس کو مُحبّت میں کہتی ہُوں

کیا اُس نظر سے بڑھ کر کوئی چمک ہوگی؟

…جس کو آئینہ میں کہتی ہُوں

کیا کسی دھڑکن میں ایسا شور ہوگا؟

…جس کو تلاطُم میں کہتی ہوُں

کیا کوئی گِرفت اِتنی دلکش ہو سکتی ہے؟

…جس کو قید خانہ میں کہتی ہوُں

کیا کوئی سانس اِتنا رُوح مِہکا سکتی ہے؟

…جس کو صندل میں کہتی ہوُں

کیا کوئی کشِش اِتنی لاجواب ہو سکتی ہے؟

…جس کو مدہوشی میں کہتی ہوُں

کیا دل کے تار ایسے جُڑ سکتے ہیں؟

…جن کو قسمت میں کہتی ہوُں

کیا خواب اِس طرح سَچ ہو سکتے ہیں؟

…جن کو مُعجزہ میں کہتی ہوُں

کیا دُعائیں ایسے رنگ لا سکتی ہیں؟

…جن کو عقیِدت میں کہتی ہوُں

میرے مِحبوب آج تو لکھنے

کا اِرادہ نہ خیال پر ایک

بات بتانی ہے تُمہیں کہ

جو رات لِپٹی تھی چادر

میں وہ راہ ابھی دِکھانی

…ہے تُمہیں

ایک دل کی آہٹ اور کُچھ

بِکھری چاندنی جو پھیلی

ہے سفید آنچل کے سِرکنے

سے کہ ابھی بِندیا کی ٹِم ٹِم

اور پایل کی چھم چھم سُنانی

…ہے تُمہیں

میرے جانم ابھی مایوس شِکن

سے نہ دیکھ اُن گُلوں کو جن

کے ٹوُٹنے سے ہو جاتے ہیں

خواب ریزہ اور شیشے چُور

کہ اِن ٹُکڑوں کی کسک چُبھانی

…ہے تُمہیں

میری تحریر میں ہے تُو اور

صرف تیری داستانیں کہ

رقص کرتی ہیں اُنگلیاں کاغذ

کے بدن پہ جو پیار کرُوں تو

تھام لے کہ پانی پے چل کے آۓ

گی صُبح تو شام کے تکیے تلے

بیٹھے بے شُمارکہانیاں سُنانی

…ہیں تُمہیں

پیمانۂِ نظر

کنارہ سمندر

آبِ گُل رنگ

نشیلے جام

برقِ آہنگ

لہراتی مستی

عکسِ آئینہ

بےداغ رُخ

پسندِ خاطر

چاہت سُہانی

جانِ عالم

ستارہ محفل

پردۂِ دل

رُوح پرور

رگِ جاں

قطرہ اِنتہا

 

ایک اور دن گُزرا اِک

نئی صُبح میں بدل جانے

…کے اِنتظار میں

ایک اور راستہ نِکلا

نئی منزل پہ نکل جانے

…کے اِنتظار میں

کئی نئی کلیاں کِھلیِں

شبنم کو پی جانے

…کے اِنتظار میں

اور کئی شامیں ڈھلیِں

نۓ چاند میں سما جانے

…کے اِنتظار میں

ایک نئی آگ جلی

سانس میں گُھل جانے

…کے اِنتظار میں

اور ایک کروٹ جگی

خواب میں اُتر جانے

…کے اِنتظار میں

کئی نۓ موسم سجے

رنگوں میں مِل جانے

…کے اِنتظار میں

اور کہیِں شمعٰ تڑپی

پروانے میں ڈُوب جانے

…کے اِنتظار میں

یہ سیاہِیاں ہیں کہ فاصلوں میں سفرکرتی شَبِ ہِجر

صبر ہےاِنتہا ہے وقت کی گردش ہے اورکُچھ نہیں

اُڑانوں سے کہو کہ تھام لو روک لو رفتارِ آرزُو

نَمی ہےدرد ہےجنون کی سازش ہےاورکُچھ نہیں

زمانے گُزرتے ہیں بند پلکوں میں لیۓ احساسِ لمحہ

سیلاب ہےروانی ہےرُوح کی لرزش ہےاورکُچھ نہیں

بھنور لپیٹے پیروں میں لیۓ پِھرتی ہے دردِ آشنائی

فُرقت ہےانتظار ہےجبرکی آزمائش ہےاورکُچھ نہیں

کانپ جاتی ہے ذات

اُس کسک کی حرارت

میں گُھل کے تب جسم

نہیں جانتا کہ رُوح

…کس کی ہے

لرَزتے ہاتھوں سے پِھسلتی

جان گواہ ہے اُس دُھوپ

کی جس میں جل کے سورج

نہیں جانتا کہ تاثیِر

…کس کی ہے

کانپتے احساس کی سرد حِدّت

میں سِمٹا وہ پل جس کو چَکھ

کے زائِقہ نہیں جانتا کہ مِٹھاس

…کس کی ہے

لَرزتے ہونٹوں کی پیاس چُھوتی

رہی کنارے اُس پیمانے کے جس

کےنشے میں غرق ہو کر دل

نہیں جانتا کہ دھڑکن

…کس کی ہے

کل پھر نۓ دن میں شمس چُومے گا قدم

کل پھر نۓ راستےکریں گےسجدےراہوں میں

کل پھر نۓ گُلوں میں رنگ بکھیرےگی خوشبو

…کیونکہ مُحبّت کا ساتھ دے گی آشنائی

کل پھر نئی قُربتیں کریں گی دل آزمائی

کل پھرنئی مُلاقاتیں ہوں گی شباب پراپنے

کل پھر نئی آوارگی میں جھَلکےگی بےخُودی

…کیونکہ مُحبّت کا ساتھ دے گی رہِ نُمائی

کل پھر نیا ساز چھیڑے گا موسیقی کے تار

کل پھر نیا مِےکدہ کھولے گا دَر خُمار کا

کل پھرنیاانداز کرےگا دیوانہ اپنی چاہت سے

…کیونکہ مُحبّت کا ساتھ دےگی شناسائی

اِن آنکھوں میں خود کو دیکھتے ہو جب بھی

اپنے آپ سے مِل کر خوش ہوتے تو ہو گے

اِس دل پہ دھک دھک کرتی ہیں دھڑکنیں

اپنا نام سُن کر خوش ہوتے تو ہو گے

اِس عکس میں انجان شبِیہ ڈھلتےدیکھو

اپنا چہرہ دیکھ کر خوش ہوتے تو ہو گے

اِن خیالوں کی دہلیز پہ آہٹ ہے جس کی

اپنا سایہ دیکھ کر خوش ہوتے تو ہو گے

اِس چِلمن میں جلاتا ہے چراغ جس کو

اپنا جوش دیکھ کر خوش ہوتے تو ہو گے

لِباس نہیں تُمہیں اوڑھ

لیتے ہیں جانم کہ سِتارہ

آنچل کی رعنائی میں

پوشیدہ حُسن و شباب کے

بےخُود ساۓ کِسی اور

احساس کی رنگت پہچانتے

…..نہیں ہیں

سُرخ نیلم اورکبھی سونے

کی تاروں میں جڑے نَگ پھِسلتے

ہیں بدن کی سِلوٹوں کو چُومتے

تو اِس کی کشِش کسی اور

لمس کی گرمی پہچانتے

…..نہیں ہیں

اِس خیال میں اگر مخملی

دامن میں چُبھنے لگیں

کانٹے تو نرم شبنمی کلیاں

سرُور دینے لگتی ہیں اور

کھِلتے ہیں چمن جن کی

مِہک  کے سِوا یہ دھاگےکِسی

اور خوشبو کو پہچانتے

…..نہیں ہیں

ہم ہیں تنہائی ہے اور لمحے

حدّت کے گھیراؤ ہیں اور لمحے

قُربت کے مراسم ہیں اورلمحے

….نہیں جانا اِن بانہوں سے دُور ہمیں

خوُشبو ہے لمس ہے اور لمحے

نشے کے مست جال ہیں اورلمحے

اداؤں کے بھنور ہیں اور لمحے

….نہیں جانا اِن فضاؤں سے دُور ہمیں

جوانی ہے اُڑان ہے اور لمحے

شِدّت کے قیدخانے ہیں اورلمحے

شراب کی جھیلیں ہیں اورلمحے

….نہیں جانا اِن سَراؤں سے دُور ہمیں

جنُون ہے سمندر ہے اور لمحے

لب کےبھڑکتےشُعلےہیں اورلمحے

شمعٰ کی بہکتی موم ہےاورلمحے

….نہیں جانا اِن پناہوں سے دُور ہمیں