Author: Esma

کہِیں تُمہیں وہ نظر تو یاد

نہیں آتی جس کی مستی

چُوما کرتی تھی تُمہیں

وصل کی بہاروں میں؟

کہیِں تُمہاری دھڑکن کا

جی چُراتی تو نہیں وہ نبض

جس کو چھُوا تھا تم نے

وصل کی بہاروں میں؟

کہِیں اُن ہاتھوں کی حِدّت

بہکاتی تو نہیں تُمہاری تڑپ

تھاما تھا جس نے تمہیں

وصل کی بہاروں میں؟

کہِیں تمہیں اُس آغوش کی مِہک

بُلاتی تو نہیں جس کی خوُشبو

میں بھُلایا تھا تم نے خُود کو

وصل کی بہاروں میں؟

 

میرے الفاظ ہی پِہچان ہیں میری

یہ نہیں تو میں کُچھ بھی نہیں

یہ حرف کریں خُلاصہ زندگی کا

یہ نہیں تو میں کُچھ بھی نہیں

صفحےکو مِلتی نہیں رُبائی کوئی

یہ نہیں تو میں کُچھ بھی نہیں

پڑھتی ہُوں کہانی کے زوال کو

یہ نہیں تو میں کُچھ بھی نہیں

مہمان ہے پَل بھر کا سرُور میرا

یہ نہیں تو میں کُچھ بھی نہیں

ایک دن تو اختتام اٹل ہے میرا

یہ نہیں تو میں کُچھ بھی نہیں

مُستقل نہیں ہیں یہ راستے شمعٰ

یہ نہیں تو میں کُچھ بھی نہیں

رات ایک خیال کو چھُوا میں نے

اندھیر نگری میں نُور پایا میں نے

خوابیدہ کروٹوں کے تکیۓ تلے

سچ میں لِپٹا سراب دیکھا میں نے

نرم چاندنی کے وجُود میں بَستا

نِصف جوبن کا داغ پرکھا میں نے

گھنی پلکوں کی جھیل میں اُترتے ہی

نازنین جذبات کا عکس پہچانا میں نے

اُس اِنتظار کو بنا کر تاج ماتھے کا

تمام سلطنت کا خزانہ سمیٹا میں نے

وہ کرے مُحبّت تو آگ بنتا ہے

دُھواں تو وہ کیوں انجان ہے

اُن چِنگاریوں سے جن کی راکھ

…میں جلتا ہے روز وجُود میرا

وہ چھُوۓ رُوح تو روشن ہونے

لگے رَگ و جاں تو وہ کیوں نہ

جانے ہے کہ اُس کسک کی چاہ

…میں مرتا ہے روز دل میرا

وہ چلے ہوا کی سِمت تو ویرانیوں

میں کھِلنے لگیں گُلاب تو وہ کیوں

نا آشنا ہے کہ اُس رُخ کی کشِش

…میں تڑپتا ہے روز بدن میرا

 

ٹُوٹ کے گِرتے ہیں اِحساس سمندر میں

جیسے کوئی لِہر نہ ہُوئی مُحبّت ہُوئی

اُلفت سُناتی ہے قِصّے آزمائشوں کے

جیسے کوئی زندگی نہ ہُوئی کہانی ہوئی

اِس کسک کی چاہ میں فنا ہُوۓ صنم

جیسے کوئی چُبھن نہ ہُوئی راحت ہُوئی

آؤ! پھر کہ بدن کی اور کوئی طلب نہیں

جیسے کوئی ضرورت نہ ہُوئی دُشواری ہوئی

توڑ کے دیکھو کبھی سراب کی ڈالی کو

جیسے کوئی خطا نہ ہوئی منزل ہوئی

جبر کرتے ہیں ذہن میں قید خیال ایسے

جیسے کوئی حقیقت نہ ہُوئی چُغلی ہوئی

شمعٰ اِنتظار میں گھُلی جاتی ہے یُوں

جیسےکوئی  تباہی نہ ہوئی عاشقی ہُوئی

 

وصل میں دیتے ہیں آنسُو نئی راحت

ہِجر میں خُوشی جو مِلے سوغات ہے

شفق کرتی ہے چاک سِینہ بادل کا

شُعاع میں بارش جو مِلے سوغات ہے

پڑتی ہیں نظریں خنجر کی رفتار سے

قُربت میں فاصلہ جو مِلے سوغات ہے

خِزاں میں شجر مُسکرانے لگا ہے

پت جھڑ میں بہار جو مِلے سوغات ہے

اُس کی سنگت میں تِشنگی کی شِدّت

صِحرا میں سمندر جو مِلے سوغات ہے

کھِلتے ہیں پھُول کانٹوں کی بانہوں میں

زخم میں کسک جو مِلے سوغات ہے

شمعٰ پِگھلنے لگی مزار پہ عشق کے

انجام میں اِعزاز جو مِلے سوغات ہے

اِشارے تو دیتی ہیں کبھی زرخیز

ڈالیاں اور کبھی مخملی گُلاب کہ

بہار آئی ہے لے کے نۓ افسانے تو

کر لے ارمان پُورے مگر وقت ہے جو

کہتا ہے کہ ابھی رُک جا زرا

…چَند روز اور

چھنکنے میں ابھی پایل کے دن

ٹِھہرےاور اِنتہا ہے صبر کی کہ

اُسے بِکھرنے کی عادَت ہے تو شرمِیلے

پاؤں بھی حُکم مانتے ہیں اُن سُروں کا

جو کہتے ہیں کہ سنبھل جا

…چَند روز اور

اِنتظار میں ہے کنگن کہ سِہہ نہ

پاۓ بِن کھنکے اور رِہ نہ پاۓ بن چھُوۓ

جاؤ ، کہہ دو پِیا سے کہ پیاسی بانہیں

نہ ترسائیں تو کیوں کسمساؤُں

…چَند روز اور

جلُوں بن سَجن تڑپُوں بِنا نظارہ

تو کیوں نہ شِکوہ کریں نین اور

وہ کہے اَشک پِی جا

…چَند روز اور

کیا نہیں ہے آنچل کے رُخ پہ

ستارہ ، افشاں ، یا سنگِ مَرمَر

اور اُس پہ ستم کہ ہِجر کے لَب

یہی دُہائی دیں کہ چھُپ جا

…چَند روز اور

جانم!  کیوں نہ چاہُوں تُمہیں کہ

زرّہ زرّہ گواہ ہے میری ذات کا

تُم سے آشنائی کا پھر بھی درد

کہتا ہے کہ سِہہ جا

…چَند روز اور

خُود کو دیکھا نہیں زمانے ہُوۓ

اور اَب جب آئینہ سامنے ہے تو

عکس کہتا ہے اِنتظار کر

…چَند روز اور

کہِیں جانا ہی نہیں

کہِیں رُکنا بھی نہیں

…بس چلتے ہی جانا ہے

تھک جاؤُں اگر تو

کہیِں ٹھِہرنا بھی نہیں

…بس اُڑتے ہی جانا ہے

کوئی راہ گُزر نہیں

کہِیں پُہنچنا بھی نہیں

…بس بڑھتے ہی جانا ہے

راہ ہموار نہ سہی

کہِیں سراۓ بھی نہیں

…بس گُزرتے ہی جانا ہے

ہر یاد سنبھال کے رکھی ہے

ہر حرف کو چُوما ہے میں نے

اِنتظار کو لگا کر سیِنے سے

ہر درد کو پَرکھا ہے میں نے

نقش پہ سجدہ کرکے یُوں

ہر آیت کو پڑھا ہے میں نے

محفوط دل کی پناہ گاہ میں

ہر راز کو چھُپایا ہے میں نے

پِھر اُس کی خُوشبو نے چونکا دِیا اچانک

دبے پاؤں لے کر آئی تھی پیغام اُس کا جو

کِہہ گئی رات کی تاریکی بات کُچھ خاص

چُپکے سے لے کر آئی تھی پیغام اُس کا جو

لگا یُوں کہ دھڑکن نے سُنی تھی رُباعی

دھیمے سے لے کر آئی تھی پیغام اُس کا جو

جھَٹ سے چھُؤا پاؤں سے لِپٹی پازیب کو

چھنکاتی لے کر آئی تھی پیغام اُس کا جو