Author: Esma

چاند اُس سے چمک اُدھار

لے جب تو میرے آنگن کی

چھَت جگمگا اُٹھتی ہے اور

ہم ایک نۓ بندھن میں

…جُڑ جاتے ہیں

بارش کی چھم چھم میں جب

سُر بجیں اُس کے نام کے تو میرے

صحن پہ برستا پیار اُس کا پیغام

دیتا ہے تب ہم ایک سُہانے وصل میں

…جُڑ جاتے ہیں

بہار کی شوخی اُس کے رنگ میں

ڈھلنے لگے جب تو میرے باغ کے

کھِلتے گُلابوں سے مِہک اُس کے بدن

کی آتی ہے اور ہم ایک اٹُوٹ رشتے میں

…جُڑ جاتے ہیں

 

اُٹھ کے گِرتی ہُوں جب بھی

ایسی فتح کو مات دیتی ہُوں

رُکاوٹ بنتی ہے جب رِہ گُزر

ایسی سِیاحت کو مات دیتی ہُوں

خُود سے جنگ کرنے لگُوں جب

ایسی دُشمنی کو مات دیتی ہُوں

احساس جب روندتا ہے دل کو

ایسی دھڑکن کو مات دیتی ہُوں

رات جب روکے سِتاروں کا قافلہ

ایسی سیاہی کو مات دیتی ہُوں

صنم سے دُور کرے جو قُربت

ایسی فُرقت کو مات دیتی ہُوں

دامن میں جو اُبھریں کانٹے

ایسی سازش کو مات دیتی ہُوں

شمعٰ جس حِصار میں قید ہو

ایسی قندیل کو مات دیتی ہُوں

طُلوع ہوگا نۓ انداز میں سُنہرا سُورج

مہتاب شرماۓ گااپنا عکس  دیکھ کر

مُحبّت مہکاۓ گی نئی کلیوں کا چمن

دل مُسرّت کا تاج پِہنے گا پھِر سے

…تب ایک نئی غزل لِکھّے گی میری آرزو اب کے برس

شِدّت کرے گی سجدے چاہت کی نماز میں

بندگی کے عرش پہ سلطنت کرے گا دل

کرے گی غُلامی نظر عشق کی قید میں

غم کو خیر آباد کہیں گی خُوشیاں

…تب ایک نئی کہانی لِکھّے گی میری اُمید اب کے برس

ذیبِ تن کرے گی وفا قیمتی زیور

اعتبار کے پتّوں میں رنگ بھرے گی خزاں

پیاس بُجھاۓ گی کنارے پہ بیٹھی جل پری

تحریرِ شمعٰ میں قلم بنے گا موم کاحاصل

…تب ایک نئی حیات لِکھّے گی میری چنگاری اب کے برس

 

بِکھرتی جاۓ ہے شمعٰ کی پاگل آنچ

سنبھلےکیسےعشق کی بےچینی کےبعد

کئی شب جلی ہے شمعٰ جس یاد میں

تھمے کیسے درد کی بیزاری کے بعد

تڑپ کی اِنتہا میں تر ہے شمعٰ بےحد

رُکےکیسے رنج کی آہ و زاری کے بعد

شمعٰ کو تکرار ہے بُجھتے دِیۓ سے

سُلگے کیسے موم کی بے وفائی کے بعد

مُجھے چاہنے سے روکے گر تُمہیں کوئی

تو اپنے دل کی شِدّت سے پُوچھ لینا پِہلے

کوئی زہر اگر پیش کرے شربت سمجھ کر

تو احساس کے گھُونٹ سے پُوچھ لینا پِہلے

نہ کر سکو یقیں اُلفت کے پیچ و تاب پر

تو اپنے وجود کی سچّائی سے پُوچھ لینا پہِلے

میرے کَمسِن دل کی شریِر رُوح نہ بھاۓ اگر

تو آئینے میں جھلکتی نظر سے پُوچھ لینا پِہلے

نہ پرکھ سکو تب بھی شیِشے کااُجلا پن

تو اپنی آنکھ میں جلتی شمعٰ سے پُوچھ لینا پِہلے

ایمان کے مزار پہ گر پُھول مِلےمُرجھاۓ ہُوۓ

تو بارگاہ میں مدہوش قلندر سے پُوچھ لینا پِہلے

پشیمان جو کرنے لگے ضمیِر کا بدن تُمہیں

تو اپنے عشق کی عقیدت سے پُوچھ لینا پِہلے

سمندر کی لہروں میں نہاتے

اُس بدن کی تاب میں خُود کو

چمکتے دیکھا میں نے تو جھٹ سے

…دل سے نِکلی ہاۓ

بادلوں کے نِیلے رنگ سے جھانکتی

سُنہری کرن کی جلتی دھُوپ میں

خُود کو دُھلتے دیکھا میں نے تو ایک دَم

…دل سے نِکلی ہاۓ

ریت کے چمکتے زرّوں سے چھَنتی

چاندی میں جذب ہوتے شبنمی وجود کو

خُود میں اُترتے دیکھامیں نےتواچانک

… دل سے نِکلی ہاۓ

تُمہاری آنکھیں اورمیری خُوشی

ایک دُوسرے پہ جان دیتے ہیں

میرا دل اور تُمہاری کہانی

ایک دُوسرے سےجُڑ جاتے ہیں

تُمہاری بانہیں اورمیری تسکین

ایک دُوسرے کو تھام لیتے ہیں

میری تڑپ اور تُمہارے ہونٹ

ایک دُوسرےمیں گھُل جاتے ہیں

تُمہارا وقار اور میری شوخی

ایک دُوسرے میں سما جاتے ہیں

میرا اِظہاراورتُمہاری خاموشی

ایک دُوسرے کو سُن لیتے ہیں

تُمہارے اِلفاظ اورمیرےجذبات

ایک دُوسرے میں ڈَھل جاتے ہیں

میرے شُعلےاورتُمہاری لہریں

ایک دُوسرے کو پِی لیتے ہیں

جلُوں آدھی شَب کی مُکمّل چاندنی میں

اور دن جلاتا رہے اُس کی یاد لے کر

کھِلوُں شبنمی اوس کی نرم حِدّت میں

اور اَشک بھِگاتا رہے اُس کی یاد لے کر

اُڑوُں بن کے شوخ تتلی خیاباں کی

اور منظرچِڑھاتا رہےاُس کی یاد لے کر

دُھلُوں تیز آنچ کی نشیلی قُربت میں

اور فِراق نِہلاتا رہے اُس کی یاد لے کر

بِچھُوں بن کے تاروں کا مست آنچل

اور آسمان ترساتا رہےاُس کی یاد لےکر

جس جہاں سےآگےکوئی جہاں نہیں

اُس دائمی دُنیا میں رہتی ہُوں میں

جس شور میں چاپ ہے شِدّت کی

اُس دھڑکنِ دل میں رہتی ہُوں میں

جس شمس سےگرمی اُدھار لےفرش

اُس ہستئِ عرش میں رہتی ہُوں میں

جس کی شان میں موسم کہےشِعر

اُس سُخن وَر میں رہتی ہُوں میں

جس زِکر سے کھِل اُٹھے گُل و موتیا

اُس باغ و بہار میں رہتی ہُوں میں

جس دھوپ میں چھاؤں راحت بنے

اُس سایۂِ شجر میں رہتی ہُوں میں

جس نماز میں جائز ہو سجدہ اُسے

اُس عبادت گاہ میں رہتی ہُوں میں

زیبِ ہستی ہے نایاب مُحبّت کا موتی

..پتھّر بنتا ہےہَوس کی لَو میں بِہتے ہی

پوشیدہ ہے خزانہ حُسنِ دل میں

..خس وخاشاک بنتا ہےغرُور کی چاہ میں مِٹتے ہی

نِکھرتا ہے رُوحِ جہاں میں شفاف بادل

..غُبار بنتا ہے نفس کی آڑ میں چُھپتے ہی

عشق تختِ عرش کا قیمتی تاج ہے

..جابر بنتا ہے سنگ دِلی کی آگ میں جلتے ہی

محفلِ نظر کا ہِیرا ہے چمکتا ستارہ

..شُعلہ بنتا ہے سیاہی کی راکھ میں پَلتے ہی

ظَرف سجدہ گر ہے شجرِ گُل کو

..مُردار بنتا ہے فتُور کی مِٹّی میں دَبتے ہی