Author: Esma

…..دل چاہے ہے

چاندنی رات میں تُمہیں اوڑ لوُں اور

شجر کی ڈالیِوں تلے پناہ گاہ سجےاور پھر

گہرے عکس کے ساۓمیں خود کو ڈُوبتا دیکھوں

…..دل حَسرت کرے

بارش کی برستی بوُندیں مدہوش کریں اور

میری رگ رگ سےخوشبو تُمہاری آۓ اور پھر

سِتاروں کی چمک اِن آنکھوں میں ناچتی دیکھوں

…..دل آرزو کرے

آئینہ میرا ہو لیکن نظر تُم آؤ اور

رات کی رانی میں دھُلیں بدن اور پھر

شمعٰ کی موم میں تُمہیں پِگھلتا دیکھوں

…..دل گُزارِش کرے

اِن لبوں سے تُمہاری سانسیں نہ جُداہوں اور

میری دھڑکن کی گوُنج نہ کبھی تھمےاور پھر

اِس رُوح سے تُمہاری جان میں خود کو اُترتا دیکھوں

….بس اِتنی سی چاہتیں کُچھ اَن چھُوئی حسرتیں

عِشق آزاد ہے پر قید کی بندِش سے ہر گِز نہیں

قفسِ جاں سے رہائی پالوُں تو کدھرجاؤں گی

چھِنتےلمحوں کی مایُوسی پہ ماتم کررہی ہوں ہر دم

حریفِ ضمیر سےجنگ کر جاؤں تو کدھرجاؤں گی

مُختصر عناصِر کا ہے یہ نِچوڑ اور کُچھ بھی نہیں

شکستِ دل سے فلاح پا جاؤں تو کدھر جاؤ ں گی

گُمشدہ سِلسلے جگانے لگے ہیں کُہرۂِ احساس

سفرِ پشیماں سے فرار پا لوُں تو کدھر جاؤں گی

….بعد مّدت کے سوچتی ہوں کہ

گہری جھیل کے کنارے بیٹھی نہیں

اُونچے پہاڑ پار کیۓ نہیں

تَپتے ستارے کی دمک چھوئی نہیں

….بعد مُدّت کے سوچتی ہوں کہ

ٹھنڈی چھاؤں تلے سوئی نہیں

گرم دھُوپ کو سیکا نہیں

طوُفانی برسات میں نہائی نہیں

….بعد مُدّت کے سوچتی ہوں کہ

سُہانی مِہک میں نکھری نہیں

دلکش نظارے کو چُوما نہیں

شوخ گُلشن میں سنوری نہیں

 

 

اُس خوُشبو سے مُعطّر ہے

میری سانس کی دھیمی

مِہک جو اُس جمِیل شخص

کےحسین وجُود سے ٹکرا کے

واپس میری شناخت میں پیوست

ہو گئی ہے اور میں خُود کے

قید خانے کی ویِران گلیوں کا

….راستہ بھُول چُکی ہوں

میرے سونے کے اِس محل کی

خالی دیواروں پہ جب اُن جمِیل

ہاتھوں سے دستک ہوتی ہے تو

اِن کھنڈروں کے سُوکھے روشن دانوں

میں سے جھانکتی تِتلیاں اپنے

رنگ بِرنگی پروں سے اُن کناروں کو

سِہلا تی ہیں جن کی تنہائیوں کا

….راستہ بُھول چُکی ہوں

بادِ صبا چِڑاتی ہے اِس انداز سے

کہ آنگن کی گیِلی مِٹّی پِچھلی رات

کی کہانی دوہرا رہی ہو اور اُس

جمِیل آغوش کے مَرمریں احساس کے

رنگوں میں گَر شامل بھی ہو جاؤں

تو ہِجر کی راہوں سے سفر کرتی

یہ ٹِہنیاں اُن بادلوں کو چھُوتی

ہیں جن کی اُونچائیوں کا

….راستہ بھُول چُکی ہوں

مِحفلِ زندگی سج گئی ہے گُل رُخ کے آتے ہی

اُجالے نشِیلے اندھیرے جگَمگانے لگے ہیں

دَر و بام بھر گۓ نُور سےسبھی آشیانےکے

آنگن فروزاں دریچے مخملی لگنے لگے ہیں

گُل چاندنی میں نہاۓ شَبِ وصلت میں دوجسم

آفاق مَہتابی آسمان طلِسماتی لگنے لگے ہیں

گُل بازی کے کھیل میں پنکھڑئِ تن بکھرے تو

گُلشن زرخیزدشت و صحرارنگین لگنے لگے ہیں

چاہت کسی کی خُوشبو میں اُتر جانے کا نام ہے

چاہت کسی کی باتوں پہ مَر مِٹنے کو کہتے ہیں

چاہت کسی کے خوابوں میں کھو جانے کا نام ہے

چاہت کسی کی پیاس میں جل جانے کو کہتے ہیں

…..اِسی چاہت کی روشنی میں شمعٰ چمک رہی ہے آج

اُلفت کسی کی کائنات  کو سجانے کا نام ہے

اُلفت کسی کی باہوں میں مَر جانے کو کہتے ہیں

اُلفت کسی کی رُوح کو مُکمّل کرنے کا نام ہے

اُلفت کسی کےعکس میں خودکو پانےکو کہتے ہیں

……اِسی اُلفت کی مِہکشی میں شمعٰ پِگھل رہی ہے آج

مُحَبّت کسی کی آنکھوں میں ٹھہرنے کا نام ہے

مُحَبّت کسی کے دل میں دھڑکنے کو کہتے ہیں

مُحَبّت کسی کے وجُود میں بَس جانے کا نام ہے

مُحَبّت کسی کے قدموں میں بِچھ جانےکو کہتے ہیں

…….اِسی مُحَبّت کی عَظمت میں شمعٰ جی رہی ہے آج

یہ تھکَن ہے یہ عِلامت

ہے اُن پَلوں کی جو گُزارے

ہیں قُربت کی دلفریب پناہوں

میں کہ درد جب چُور ہو اور

گواہ دینے لگیں جان وتن تب

احساس کے بِچھونے سے عیاں

ہوتے ہیں راز جن کی کشش

سے بِستر کی گرم سِلوٹوں

کے نِشاں حیا کی سیڑی

کبھی چڑھتےکبھی اُترتےہیں

…پلکوں کی چِلمنوں میں

ادھوُرے مراسم کی بے چین

اُمیدوں پہ جب جنون کی

پیاس چمکنے لگے تو چُبھتے

نرمگیِن لمس احساس کے

بادلوں سے برس جاتے ہیں

تب نَس نَس میں بھرتی آگ

وجُود میں ہلچل مچا دیتی

ہے پھر جلتے بُجھتے چراغ

چُھپنے لگتے ہیں

…پلکوں کی چِلمنوں میں

وہ سمندرکہاں سے لاؤُں جو پیاس بُجھاۓ

وہ کُنواں کہاں سےلاؤُں جو پیاس بُجھاۓ

جس عادت میں بَندھ چُکی ہیں سانسیں

وہ رُوح کہاں سے لاؤُں جو پیاس بُجھاۓ

جس قُربت نے چَکھ لیا ہے نمکین زہر

وہ زائِقہ کہاں سے لاؤُں جو پیاس بُجھاۓ

جس تَسکین میں راحت مِلے عُمر بھر کی

وہ لمحہ کہاں سے لاؤُں جو پیاس بُجھاۓ

جس لَمس کی حِدّت میں کانپ اُٹھتا ہے بدن

وہ شِدّت کہاں سے لاؤُں جو پیاس بُجھاۓ

جس آگ کی گرمی میں شمعٰ جل رہی ہے

وہ پروانہ کہاں سے لاؤُں جو پیاس بُجھاۓ

بِھیگی رُتوں کے سُوکھے خواب ٹھہر گۓ ہوں جیسے

شَجر کی ڈالیِوں سے جھڑتے ہیں پیوستِ خاک ہونے کو

جَھرنوں سے بِہتے پانی کی رفتار میں جِھجَک سی ہے

دریا کی انگڑائیوں سے مچلتے ہیں سپُردِ موج ہونے کو

شَمس کی مُسکراہٹ اُلفت کو چُھپا رہی ہو پھر بھی

اُفق کی چادروں سے جھانکتے ہیں قوسِ قزح ہونے کو

شراروں کی پِھیکی کِرنوں میں شوخی اِنتہا کی ہے

شمعٰ کی رعنائیوں سے ٹَپکتے ہیں جازبِ راکھ ہونے کو

خوُد کو پِیتی ہوُں جب آئینۂِ نشے سے ٹکراتا ہے یہ دل

فَقط اُس کی آنکھوں میں ڈُوبنا ہے، اورکوئی آرزُو بھی نہیں

قِصّۂِ ذات  تمام ہُوا اُن دھڑکنوں نے جب کروٹ لی

فَقط اُس کی سانسوں میں جھُولنا ہے،اور کوئی چاہ بھی نہیں

تڑپتی ہے رُوح جب شِدّتِ کسک چُومے بدن کی کلیاں

فَقط اُس کی باہوں میں جُھومنا ہے،اور کوئی خواہِش بھی نہیں

اُس حصارِ خوُشبو میں دَم توڑتے ہوۓجب رُوبرُو ہونے لگوں

فَقط اُس کی آغوش میں لُٹنا ہے،اور کوئی تمّنا بھی نہیں

سایۂِ وجُود کی کشِش میں جب بے خوُد ہونے لگے شمعٰ

فَقط اُس کی گردِش میں گھُومناہے،اور کوئی حسرت بھی نہیں