Author: Esma

کِہتا تھا کہ نظر آتے ہیں رنگ دُنیا

کے میری آنکھوں میں جھانکے اگر۔۔۔

مجھے تو خود اپنا عکس

نظر آتا نہیں کہِیں اب۔۔۔

کہِتا تھا کہ میری دھڑکنوں

میں سانس لیتا تھا وجود اُس کا۔۔۔

مجھے تو اپنے ہی دل نے

لُوٹ لیا جھُوٹے خواب دِکھا کر۔۔۔

کِہتا تھا صدا رہے گا سایہ

بن کے میرے پیراہن کا۔۔۔

مجھے تو اپنے ہی آنچل نے

بے نقاب کر دیا سرِ راہ یُونہی۔۔۔

کِہتا تھا جگر کے پاس ہُوں

میں ایک یاد کی ڈور سے بندھی۔۔۔

مجھے تو اپنی ہی رُوح کے تاروں

نے کاٹ دیا فالتو سمجھ کر۔۔۔

کِہتا تھا الفاظ پہ جان دیتا ہے

جو میرے قلم سے زندگی پاتے ہیں۔۔۔

مجھے تو اپنی ہی شاعری سے

نفرت ہونے لگی ہے اب۔۔۔

 

ہر روز نۓ اِنتظار کی سیِڑھی چڑھتی ہُوں میں

ہر روز گِرتی ہُوں آسمان کی بُلندی سے مات کھا کے

روز نۓ گُلستان میں پھُول سجاتی ہُوں میں

روز مُرجھاتے ہیں گُل کانٹوں کی ذَد میں آکے

روز بہ روز سانسوں میں زندگی بھرتی ہُوں میں

روز بہ روز موت دِکھاتی ہے مُجھے آئینہ مُسکرا کے

روزانہ ایک نئ شفق کی راہ تکتی ہُوں میں

روزانہ ٹھہرتی ہے صُبح پُرانے راستوں پہ آکے

زرد ہو شاخ یا پھر مُرجھاۓ گُل ہوں

اِختتام پہ پُہنچتے ہیں کبھی نہ کبھی

شُعاعِ ظُلمت ہو یا پھر دن وصل کے

اندھیروں میں ڈھلتے ہیں کبھی نہ کبھی

قرار دے عشق یا پھر جنُون میں ہو رسائی

اذِیّت بن کے برستے ہیں کبھی نہ کبھی

چمکتے جُگنو ہوں یا پھر لِہراتی تِتلیاں

راستے پہ تنہا بھٹکتے ہیں کبھی نہ کبھی

سمندر کرے دیوانہ یا پھر دریاؤں کے دل

موت کے گھُونٹ  پیِتے ہیں کبھی نہ کبھی

خواب ہر رات کاسِتارہ ہے

صُبح ہوتےہی لَوٹ جاتا ہے واپس

نا مُکمّل آنسُو کہانی ہیں

مُکّمل ہوتےہی سُوکھنے لگتے ہیں

چاہت شاموں پہ لِکھی آرزو ہے

اندھیرا ہوتے ہی فِشاں ہونے لگتی ہے

جنون عقیدت کی چھاؤں میں رہتا ہے

احساس ہوتے ہی دھُوپ بننے لگتا ہے

عشق رات کی رانی کا پَودا ہے

سویرا ہوتے ہی بھُول جاتا ہے کِھلنا

شجر تنہائی سے ِلِپٹا اِک زرَہ ہے

ٹُوٹ جاتا ہے خُود کو رُسوا دیکھ کے

آنے والے کل میں بَستا ہے وہ

جنگل جہاں کے بھٹکے ہُوۓ

جُگنوؤں کے جلتے بدن کبھی

زندگی تو کبھی موت کا پروانا

…لِکھتے ہیں

بِچھڑے ماضی کے سمندر میں

رہتے سِیپ تو کبھی ریت کے فالتو

زرّات ساحل کی آغوش میں اپنا

…نرم ٹِھکانہ ڈھُونڈتے ہیں

آج کے شمس و قمر میں وہ

تاب نہیں جو ایک بادل کے پردے

تلے اپنی شناخت پا لیں وہ کبھی

لمحوں کے اُڑتے دنوں میں تو کبھی

برسات کے ظالم شور میں اپنی

…کرنیں بھِگوتے ہیں

پڑھ کے نظم میری وہ کیا سوال کر بیٹھا

مُجھ سےمیری کروٹوں کا حِساب مانگ بیٹھا

سمجھ کے خیال کو سَچ کا آئینہ میرا

خُود سے اپنےوجُود کا جواب مانگ بیٹھا

سایہ تھا وہ میرا اور میں دھُوپ اُس کی

میرے نُور کو اوڑھ کے ہِجاب مانگ بیٹھا

غافل ہے وہ درد و تڑپ سے اِس رنج سے

شاید اِسی عِوض وہ ثواب مانگ بیٹھا

حیرانگی سے تَکتا رہا لُوٹ کر آب و تاب

جانے کس بادشاہی کا خِطاب مانگ بیٹھا

دِل ایک رات ہے

…اور میں ایک چاند اُس کی دِہلیز کا

دِل ایک خواب ہے

…اور میں ایک آئینہ اُس کی تعبیِر کا

دِل ایک خُوشبو ہے

…اور میں ایک گُلاب اُس کی زمین کا

دِل ایک سایہ ہے

…اور میں ایک سَچ اُس کی جاگیِر کا

دِل ایک داستان ہے

…اور میں ایک کِردار اُس کی تحریر کا

دِل ایک پروانہ ہے

…اور میں ایک شُعلہ اُس کی قندیل کا

اِک نام کے ساتھ چند

صفحوں کی کہانی

…جوڑ دی جاتی ہے

جب مِلتا ہے نایاب تُحفہ

محبّت کا تو عِبارت

…لِکھ دی جاتی ہے

کئی کِردار پروان چڑھتے

ہیں، ادھوری ہو آرزُو وہ

…روک دی جاتی ہے

کوئی ڈُوب کے چاہتا ہے

شناسا کو کسی کے

شوق میں غزل کِہہ

…دی جاتی ہے

خنجر دیتا ہے اِنعام میں

کبھی تو قلم بندی کے

حِرص تلے عنایت سونپ

…دی جاتی ہے

خزانے میں قید ایک آنسُو

سانس لیتا ہے تب اُس

صندوُقچی کی تالی توڑ

…دی جاتی ہے

شمعٰ کو مِلی ہے جو

سوغات کِتاب کی صُورت

میں، اُس منزل کی راہ

…موڑ دی جاتی ہے

جس مزار پہ آکے جلاتےہو

دِیا اکثر اُس قبر کی لَحد

…روند دی جاتی ہے

تلاش تھی جس پاگل پن

کی اُسے پانے کے بعد

وہ چھوڑ گیا کسی موڑ

…پر پاگل بنا کے مجھے

جن خوابوں کو مِلا تھا

آنگن حقیقت کا کبھی

وہ لے گیا چاند روشنی

…دِکھا کے مجھے

ڈھونڈتی رہی رات بھر

یہ نظر جسے وہ لَوٹا گیا

آسماں سِتاروں کی مِحفل

…میں بِٹھا کے مجھے

دل میں آج بھی وہی

برق سی محسوس ہوتی

ہے جب اُس کا زِکر چھِڑ

جاتا ہے کبھی مِحفل میں

..تو کبھی تنہائی میں

اَب بھی اُس نغمے کی

دُھن پہ رونے لگتی ہُوں

جس کو سُنتے ہی جاگ

جاتے ہیں ارماں کسی

مِحفل میں تو کِہیں

…تنہائی میں

کھِل اُٹھتے ہیں پھُول

تَر ہوتی ہے زمین اب بھی

اُسی طرح ، چھُونے سے

رُوح مِہک اُٹھتی ہےجیسے

کبھی مِحفل میں تو

…کبھی تنہائی میں

آج بھی حِصار میں ہیں

وہ شعر وہ اندازِ بیاں

کہ جن کو سُنتے ہی گُم

ہو جاتے ہیں ہوش کہِیں

مِحفل میں تو کبھی

…تنہائی میں