Shayeri

تُم ہو تو سجتی ہیں کلیاں

تُم ہو تو بہار اِن سے ہے

تُم ہو تو مِلتی ہیں خُوشیاں

تُم ہو تو خُمار اِن سے ہے

تُم ہو تو ادا میں رنگ بسیں

تُم ہو تو حِصار اِن سے ہے

تُم ہو تو وفا میں ترنگ بجیں

تُم ہو تو قرار اِن سے ہے

تُم ہو تو چمکتے ہی جائیں

تُم ہو تو نِکھار اِن سے ہے

تُم ہو تو سنورتے ہی جائیں

تُم ہو تو سِنگھار اِن سے ہے

میرے محبوب اِتنا کرم تو کر دینا ذرا

..ٹکراۓ نظر سے جب نظر وہ پَل تھام لینا

کھڑے رہیں دیِد کی چاہ میں ہم یوُنہی

..آۓ جب گھڑئِ وصل وہ پِہر تھام لینا

برق سی آرپار ہونےلگے جان و بدن کے

..رہ جاۓ باقی کسک وہ درد تھام لینا

چھیڑتارہے جواں راگ دھڑکنِ دل کا

..کھِنچےجس کشش میں وہ رُوح تھام لینا

حِدّت میں جلنے لگے گوشۂِ وجود جب

..ٹھہر جاۓ چنگاری جہاں وہ رُت تھام لینا

کرنوں سے چھَنتا نُور دیکھا

وہ تُم ہی تھے جھانکتے ہُوۓ

موجوں سے اُٹھتا جوبن دیکھا

وہ تُم ہی تھے لِہراتے ہُوۓ

پُرکشِش رنگین سایہ دیکھا

وہ تُم ہی تھے سماتے ہُوۓ

چاند کے ہمراہ تارہ دیکھا

وہ تُم ہی تھے جگمگاتے ہُوۓ

سُرمئی شام کو ڈُوبتے دیکھا

وہ تُم ہی تھے شرماتے ہُوۓ

کیسے بچ سکا ہے زہرِعشق سے آج تک کوئی

باوجُود شِدّت کے بھی دُنیا داری نہیں چھوڑتا

یہ وعدۂِ وفا کے دیتا ہے دلائل بے شُمار اکثر

جنون تو ہے ہی ظالم مصروفیّات نہیں چھوڑتا

کل نہ جانے کس جہاں کی زینت بنے یہ رُوح

بے بسی کی آڑ میں ہرجائی ضِد نہیں چھوڑتا

بے جان جسم کی یاد میں رویا ہے دل اِتنا

دو قدم پیچھےکیا یہ تو شکست کھانا نہیں چھوڑتا

افراتفری کے دَور میں عشق کرنے کی فُرصت کسے

شب و روز کے گُلستان میں کانٹے چُننا نہیں چھوڑتا

صداقت کی چادر میں ہِجاب اوڑھے ہے فریب یُوں

آب و تاب کے چولے میں افسُردگی پہِننا نہیں چھوڑتا

اِتنا نہ گُم ہو جانا کہ

..خود سے مِل سکو نہ تُم

دیکھ کر آئینے میں

..عکس پِہچان سکو نہ تُم

جس موڑ سے گُزرے راہ

..ایسی منزل چھُو سکو نہ تُم

نظروں کے مِلنے پر بھی

..ستارے چُن سکو نہ تُم

ہجر کی دیوار پار کرتے ہی

..قُربت حاصل کر سکو نہ تُم

جلے شمعٰ جس اِنتظار میں

..وہ پَل لوَٹا سکو نہ تُم

گُزارش کرے گُل کہ ابھی

تو برس رہی تھی شبنم کہ

پنکھڑیاں پھر سے مُرجھائی

جاتی ہیں کہ پیاسے ورقوں کو

…ترسانا نہیں اچھّا

کہنے لگا ساحل سمندر سے

کہ کیوں میرے کنارے تَر نہیں

ہوتے جو تُو نذر کرے اِک لہر

سیراب ہو جاۓ میری ویِرانی

ویسے بھی اپنوں کو

…تڑپانا نہیں اچھّا

شِکوہ کرےٹِہنی کہ پھول کیوں

بنا ہے زِینت پراۓ شجر کی ، ویسے

تو حق میرا بھی ہےکیونکہ دیوانوں کو

….ستانا نہیں اچھّا

اِلتجا کرتی ہے سُرخی لبوں سے

کہ ابھی ٹھہرو زرا کہ محبوب

سے مِلنے پر رنگ دینا مُجھے بے شک

ظُلمت میں یہ گُلاب پھیکے ہی سہی

مگر یہ بھی غلط ہے کہ جذبوں کو

…سُلگانا نہیں اچھّا

درخواست کرنے لگی کِرنیں آفتاب

سے کہ آج نہ دھکیل مُجھے اُس اَور

کہ کوئی کاٹ رہا ہے ہِجر کے کڑے

دن ویسے بھی دِلوں کو

…جلانا نہیں اچھّا

 

تُمہیں یاد ہیں وہ دھڑکتے پَل جانم

مِلتے تھے دو دل آزاد بن کے جب کبھی

تُمہیں یاد تو ہوگی وہ شوخ غزل

لبوں نے لِکھّی تھی جو سرہانے تلے کبھی

تُمہیں یاد دِلاتے ہوں گے وہ سُرخ دن

جب ٹُوٹی تھی انگڑائیاں تپتی چھاؤں میں

تُمہیں یاد تو ستاتی ہوگی اُس پایل کی

چُراتی تھی تُم سے تُمہاری ہی بے خُودی

تُمہیں یاد ہے اُس ذُلف کے رنگ چُراتےہی

بِہکنے لگتے تھے ارماں اُنگلیوں کے

تُمہیں یاد تو آتے ہوں گے چمکتےآئینے

جھانک کے جن میں اپنا نام بھُول جاتے تھے

تُمہیں یاد تو دِلاتی ہو گی وہ گُلابی مہک

پیِتے ہی جس کی پنکھڑیاں جھُوم اُٹھتی تھِیں

میرے دل کی ہُوئی شام جب

کہیِں گِرا موتی پلَک سے

میرے دل نے جھَپکی پیاس جب

کہِیں ڈُوبا جام لَب سے

میرے دل میں اُٹھی ٹِیس جب

کہِیں جگا درد احساس میں

میرے دل کی نَس دھڑکے جب

کہِیں اُٹھا شور آسمان میں

میرے دل میں کھِلے گُل جب

کہیِں مِہکا بدن لَمس سے

میرے دل کی شمعٰ روۓ جب

کہیِں پِگھلا وجود موم سے

گھُلتی ہے چاشنی مِل کے

قطرۂِ خون میں ایسے کہ

لُطف کے پَروں کو مِل گیا ہو

…آرام جیسے

گُدگُداتی ہیں رَگ رَگ میں

تِتلیاں ایسے کہ احساسِ برق

کو مِل گیا ہو

…سکون جیسے

چُبھتی ہیں کلیاں پور پور

میں ایسے کہ بدنِ رُوح کو

مِل گیا ہو

…سرُور جیسے

جب جب دیکھا تُمہیں

..چاہے جانے کی شِدّت بڑھی

ٹکرائی نظر جب بھی تُم سے

..پِگھل جانے کی حِدّت بڑھی

جب جب سوچا تُمہیں

..گُم ہو جانے کی خواہش بڑھی

تصویر بنی جب بھی آئینہ

..رُوبرو ہو جانے کی آرزُو بڑھی

جب جب چھُوا تُمہیں

..جذب ہو جانے کی تِشنگی بڑھی

اِنتہا۶ جب بھی لِپٹی تُم سے

..فنا ہو جانے کی حسرت بڑھی

جب جب مانگا تُمہیں

..ہوش کھو جانے کی طلب بڑھی

دُعا کرتی رہی تُمہیں پانے کی

..کعبہ جانے کی لگن بڑھی