Shayeri

اُن دنوں جب بُجھ گۓ تھے

میری شوخ نظروں کے دِیۓ

اور وِیران تھی میری پلکوں

کی چِلمنیں تب بے حد یاد

…آتی تھیِں وہ آنکھیں

…اب یہ عالم  ہے کہ وہ آنکھیں پیار برسانا نہیں بھُولتی

وہ بِسرے رُوکھے پَل جھڑتے

رہے مُرجھاۓ پتّوں کی مانند

اور میرا دل بھی ایک بے جان

شے کی طرح خاک کی دُھول

چاٹتا رہا تب بے اِنتہا یاد

…آیا تھا وہ دل

…اب یہ عالم ہے کہ وہ دھڑکن ُمجھ پہ جان لُٹانا نہیں بھُولتی

اُس وقت کی جلتی دھُوپ  نے

ساکت کر دیا تھا پُورے بدن کی

رنگت کو اور زرد ہوتی گئی سبھی

کلیاں اور آنسُو کی قطاریں جمنے

لگی تھِیں رُخسار کی دیواروں پر

…تب بے تحاشا یاد آیا تھا وہ وجود

…اب یہ عالم ہے کہ وہ رُوح اِس ہستی میں مِل جانا نہیں بھُولتی

 

 

جس آنکھ میں چمکے موتی

وہ ستارہ میرے نام کا ہے

جس دھڑکن میں آہٹ گُونجے

وہ دل میرے نام کا ہے

جو لَب زکر کریں میرا

وہ وِرد میرے نام کا ہے

جو نیند وابستہ ہو مُجھ سے

وہ خواب میرے نام کا ہے

جہاں چاند اُسے روشن کرے

وہ آنگن میرے نام کا ہے

جہاں عشق میں کریں سجدے

وہ کعبہ میرے نام کا ہے

جس فریاد میں تڑپے دل

وہ بشر میرے نام کا ہے

جس کی ضِد میں جلے شمعٰ

وہ پروانہ میرے نام کا ہے

مُحبّت کے پرندے ہیں

بس اُڑنا جانتے ہیں

خوابوں کے جزیرے ہیں

بس ٹِھہرنا جانتے ہیں

سمندر کے سفِینے ہیں

بس تیرنا جانتے ہیں

کُندن کے نگِینے ہیں

بس دِہکنا جانتے ہیں

مخمل کے دریچے ہیں

بس ڈھَلکنا جانتے ہیں

بندگی کے سویرے ہیں

بس جُھکنا جانتے ہیں

میں وہ گہرا سمندر ہُوں

ڈوبنا آسان لگے تو ڈوب جاؤ

میں وہ بے رنگ گُلشن ہُوں

کانٹے سمیٹناچاہو تو ٹُوٹ جاؤ

میں  وہ پھَٹتا آتش فِشاں ہوَں

وجود جلانا چاہو تو کُود جاؤ

میں وہ ڈھلتی شمعٰ ہُوں

چُھپنا چاہو تو رُوٹھ جاؤ

صنم ! درد دُوں میں اگر

تو دوا بھی میں ہی کروں گی

جانم!  آنسوُ دُوں میں اگر

تو آنچل بھی میں ہی بنُوں گی

سجن ! دل چیِر دُوں میں اگر

تو ٹانکا بھی میں ہی سِیوُں گی

دلدار! تڑپ دُوں میں اگر

تو راحت بھی میں ہی دُوں گی

پِیا!  توڑ دُوں آس کی اُمید اگر

تو حوصلہ بھی میں ہی جوڑُوں گی

برسے بارش تو گُل تَر ہونے لگتے

ہیں اُس مُحبّت میں جو بوُندیں

چومتی ہیں بدن پھُولوں کا اور

اِسی طرح میرے وجود کے چمن

کو بارش تب سیراب کرتی ہے جب

…اُس کی بانہیں مُجھے تھام لیتی ہیں

جیسے چاند کی بزم میں شِرکت

اُس تارے کی لازمی ہے جس کی تاب

میں وہ اپنی روشنی کی بھی پرواہ

نہیں کرتا تب اِسی طرح میری ہر محفل

… اُس کی رونق کےبغیرادھوری لگتی ہے

رات سیاہ آنچل اوڑھے پلکیں جھپکاۓ

جب اپنی نشیلی چال میں آہستہ آہستہ

ڈھل رہی ہوتی ہے تاکہ جذب ہو سکے

صُبح کے عشق کی چادر میں اِسی طرح

میری آنکھیں راہ تَکتی ہیں اُس نظر کی

جس کو پاتے ہی اُجالے پھیلنے لگتے ہیں

…میری اندھیر نگری کے

آئینے کو اُلفت ہے چہرے سے جس کے

عکس میں عیاں ہوتا ہے بے مثال حُسن

اور ٹُوٹ جاۓ تو ریزہ ریزہ نظر آتی ہے

صُورت بِالکُل اِسی طرح اُس کی نگاہوں

میں خود کو دیکھتی ہوں گر وہ ٹُوٹ جاۓ

…تو میں بھی بِکھر جاؤں گی

رنجیدہ پَل جو گُزرتے ہیں وقت کی گردش

میں قید اور خوشی اپنے انداز سے بِہلاتی

ہے نۓ جوہر دِکھا کر اور اِسی طرح میرے

اُداس لمحوں کا اِنحصار ہوتا ہے اُن حسین

پَلوں پر جب اُس کے وصل میں میری قُربت

…شامل ہوتی ہے

 

ڈھُونڈتی رہی اُس آہٹ کو میری نظر

مگر دل میں رہی صرف آرزُو بن کر

خیال تھا شاید رات جگمگا اُٹھے پھر

مگر ذہن میں رہی صرف سوچ بن کر

دیکھی سبھی چمک سِواۓ دلدار کے

مگر نگاہ میں رہی صرف آس بن کر

محسوس کی وہ خوشبو اپنےآس پاس

مگر جسم میں رہی صرف مِہک بن کر

سُنی دستک دل کے ٹُوٹنے کی میں نے

مگر آنکھ میں رہی صرف یاد بن کر

فریاد کی کاش جی اُٹھے میری شام

مگر رُوح میں رہی صرف دُعا بن کر

الگ ہُوں سمجھ کر دیکھو تو سہی

اِس جہاں سے آگے چل سکو گے لیکن؟

سایہ مُجھ سے ناراض ہو بھی جاۓ اگر

اِس کڑی دھُوپ سے بچ سکو گے لیکن؟

عشق قیامت کی صُورت میں حاوی ہے

اِس اِنتہا کو پار کر سکو گے لیکن؟

مُجھے اِلزام دیتی ہےغفلت میں چُوردُنیا

اِس جاہلیّت سے جان چھُڑا سکو گےلیکن؟

مُحبّت کے طُوفان میں جل رہی ہُوں دیکھو

اِس تلاطُم کو برداشت کر سکو گے لیکن؟

بے پرواہی کی عادت نے ڈبویا ہےمُجھے

اِس تباہی سے خود کو نکال سکو گےلیکن؟

دوغلی دُنیا کے پھیکے رسم و رواج ہیں

اِس مُنافقت سے دل لگا سکو گے لیکن؟

میرے جنون کےدامن پُر سرُورہیں

اِس راحت میں گھر بنا سکو گے لیکن؟

بے بسی کی آگ میں جلے ہے ہستی میری

اِس چنگاری کی ہوَس بُجھا سکو گے لیکن؟

مالا مال ہے وہ قُدرت کے

بیش قیمتی زیور سے جو

ایک شہزادے کی تقدیر

سجانے کے لیۓ کافی ہیں جن

کو تراش کر بنا دِیۓ جاتے

ہیں چند مصنُوئی کھلونے مگر

یہ وہ رُوح ہے جس کی پاکیزگی

میں ہِیرے کی جگہ آنکھیں

…چمکتی ہیں

جس شان و شوکت سے

آراستہ ہے اُس گُلفام کے

وجُود کا محل وہاں وقار کی

اِینٹوں میں سنگِ مرمر نہیں

اُس کی دلکش شخصیّت

…جھلکتی ہے

اُس کے تاج میں جڑتے

نایاب موتی اِس بات کی

تصدیق کرتے ہیں کہ اِن کی

رونق اُس کی مُسکراہٹ سے

…بڑھ جاتی ہے

وہ جب شبِستان کے نشِیلے

پَلوں کی گرم خواب گاہ میں

اپنی پلکیں بِچھاتا ہے تو وہ

رات اُس کی مخملی آغوش

سے خوش قسمتی کا دامن

…چُوم لیتی ہے

 

 

اُن ڈُوبتے لمحوں کے جمال

میں طُوفان تھا تڑپتے سمندر

کا اور اُس کی تِہہ میں اُترتے

یہ احساس ہُوا کہ ابھی اور

….ڈُوبنا ہے

اُچھلتی دھڑکن کی لے میں

ناچتی شبنم اِس سرُور کو

بھڑکاتی رہی جس کی حِدّت

یہ افسانہ سُناتی ہے کہ ابھی اور

…اُبھرنا ہے

ٹھہِرتی نِگاہ کی ساحر ادا سفر

کرتی ہوئی چہرے کے نرم راستوں

سے گُزرتی رہی جس کی شوخی

یہ دعویٰ کرتی ہے کہ ابھی اور

…اُترنا ہے