Shayeri

یہ میرے شعر نہیں سجدے

ہیں اُس خُدا کو جس نے عشق

کے آسمان میں نوازا ہےمُجھے

…مُحبّت کی رحمتوں سے

یہ میری نظمیں نہیں سلام

ہے اُس پیکر کو جس نے بندگی

کے جہاں میں بخشا ہے مُجھے

…سرُور کی آشنائیوں سے

یہ میری تحریریں نہیں خط ہیں

اُس حسِین کو جس نےاُلفت

کے گُلستان میں سجایا ہے مُجھے

…پُھولوں کی شوخیوں سے

یہ میری غزلیں نہیں اِنعام ہیں

اُس پرِستار کو جس نے عقیدت

کے جہاں میں تراشا ہےمُجھے

…پتھر کی لکیروں سے

صنم کی آنکھ سے گِرتا ہے قطرہ قطرہ

چُن لیا ہے میں نے اِسے موتی سمجھ کر

کنارۂِ رُخسار پہ دَم توڑے انمول اَشک

چُوم لیا ہے میں نے اِسے پھُول سمجھ کر

سُرخ چراغ میں بِہتےدیکھا شرارۂِ تِشنگی

پِی لیا ہے میں نے اِسے شبنم سمجھ کر

سمندر کی روانی میں ڈُوبتا نایاب آنسُو

چَکھ لیا ہے میں نے اِسے مِے سمجھ کر

آج چاند کےچہرے پہ

خوُبصورتی کمال کی ہے

اور میں خوش ہُوں تُم بھی

…یہِیں ہو اور میں بھی

آج چاندنی برسا رہی ہے

پیار شِدّت سے اور میں

خوش ہُوں تُم بھی تَک رہے

…ہو اور میں بھی

آج چاند کے دائرے میں

خُمار ہے بےخُودی کا اور

میں خوش ہُوں تُم بھی نشے

…میں ہو اور میں بھی

آج چاندنی ڈُوبی ہے مستی

کی شوخ ادا میں اور میں

خوش ہُوں تُم بھی مدہوش

…ہو اور میں بھی

آج چاند سُنہری پیاس کی

آگ میں جل رہا ہے اور

میں خوش ہُوں تُم بھی یاد

…کر رہے ہو اور میں بھی

 

ادھُورے پَل آزاد ہوں جب

تو کامِل ہوتی ہے زندگی

بدن جب رُوح  سے ٹکراۓ

تو حاصل ہوتی ہے بندگی

تصویر میں رنگ بھریں جب

تو کامِل ہوتی ہے زندگی

دھڑکن سُنے جب دل کی بات

تو حاصل ہوتی ہے بندگی

کِنارے تَر ہونے لگیں جب

تو کامِل ہوتی ہے زندگی

سانسوں کی ڈور اُلجھے

تو حاصل ہوتی ہے بندگی

ڈُوبتے جائیں جذبات میں

تو کامِل ہوتی ہے زندگی

دو بدن اِک جان بنیں

تو حاصل ہوتی ہے بندگی

حُسن چکھےعشق کے ہاتھ

تو کامِل ہوتی ہے زندگی

جب درد ہو حوالے کسک کے

تو حاصل ہوتی ہے بندگی

بے خُودی شِکست دے خود کو

تو کامِل ہوتی ہے زندگی

صبر جب عرُوج کا زیور پہنے

تو حاصل ہوتی ہے بندگی

دِلکشی چُھپا لے سب راز

تو کامِل ہوتی ہے زندگی

سِتم ٹُوٹےاورلَب مُسکرائیں

تو حاصل ہوتی ہے بندگی

نگاہیں کریں نزرانہ قبُول

تو کامِل ہوتی ہے زندگی

سجدہ ادا ہو مِحبوب کو اگر

تو حاصل ہوتی ہے بندگی

اِدھر تمام رات

اُس کی یاد کا دِیا

جلتا رہا آنکھوں میں

اور اُدھر چاندنی اپنے

جوبن سے اُسے

….سُلاتی رہی

اِدھر بندش کی سیاہ

چادروں پہ کِھلے فُرقت

کے پھُول اور اُدھر صُبح

اُس کی خواب گاہ

….سجاتی رہی

اِدھر ماند ہیں رنگ و خوشبو

گُل کے سبھی اور اُدھر

رات کی رانی اُس کا صِحن

….مِہکاتی رہی

اِدھر دستک دی سِتاروں

کے قافلے نے نیند کو اور

اُدھر کہکشاں اپنے جلوے

….دِکھاتی رہی

اِدھر جمتے گئے نشاں

شبنمی موم کےاور اُدھر

شمعٰ اپنی چِنگاریاں

….بھڑکاتی رہی

اُس کی خُوشبو پیراہن میرا

پیمانہ آنکھیں نظارہ میرا

آشنا دھڑکن دل میرا

سُلگتی سانس جسم میرا

بکھرتی کسک لُٹنا میرا

گُلابی وصل تُحفہ میرا

ہاتھ سَندلی پگھلنا میرا

تڑپ اُس کی آنسُو میرا

کِھلتی دھُوپ جلنا میرا

ریشمی بِچھونا بستر میرا

چھَلکتی پیاس جام میرا

سِیلی رُت جنوُن میرا

آنگن چاند ٹھِکانا میرا

نام اُس کا وجوُد میرا

کیُوں اُس کا لمس مُکمّل بنا گیا

کیُوں سُرمئی رنگ پاگل بنا گیا

اُس کی سانسوں کا دَم توڑنا ایسے

میرے ذرّہ ذرّہ حُسن کو مُعطّر بنا گیا

انگلیوں کی حِدّت سے پگھلتی جاؤں

بھٹکی ہُوئی موج کو ساحل دکھا گیا

ادھُوری نیند کی سوئی آنکھ کاجادو

بہکتی  خواہش کو راستہ دکھا گیا

ہونٹوں کی لرزِش منزل تک پُہنچتی

پھیکی ہنسی کو سُرخ جام پلا گیا

نرم سیِنوں میں دھڑکتے شوخ جذبات

اِس  روکھی آرزو کو تمنّا بنا گیا

صنم کے چھُوتے ہی ہر نعمتِ قُدرت بنتی ہے پسند کے قابل

میں دل اور پھُول دیوانے ہیں اُس فضا کے جہاں وہ سانس لیتا ہے

جس چمک کی قدر کرے دلدار میرا  اُس میں نِکھرنا چاہُوں

میں چاند اور پایل پرِستار ہیں اُس جہاں کے جسےوہ سنوارتاہے

بدلتے رنگِ موسم میں گُم ہوتے دیکھُوں وہ حسین چشم

میں دھنک اور آنچل عاشق ہیں اُس عرش کے جس میں وہ جگتا ہے

حُسنِ خیال کی رعنائی کے جُدا ہیں قیاس و انداز سبھی

میں خواب اور کاجَل قُربان ہیں اُس سراپا پہ جس میں وہ بستا ہے

شعر و نغمہ میں زندگی بھر دے میرےمحبُوب کا فسانۂِ دل

میں نشہ اور غزل فِدا ہیں اُس ترنّم پہ جسے وہ گُنگُناتا ہے

…مُحبّت کو مِلتے ہیں

چَند ادھُورے پَل

کُچھ مُرجھائی یادیں

کئی سِسکتے لمحے

خاموش مُلاقاتوں کاسلسلہ

کئی بھُولے افسانے

کُچھ اَن چُھوئی حسرتیں

…محّبت چاہتی ہے

وصل میں ڈُوبتی شامیں

دیدارِیار کی طلَب

ٹھہِرے وقت کی گردِش

گرم بانہوں کا بِچھونا

ستاروں میں چمکتی چھاؤں

بے تاب تمّنا کی لگن

…مُحبّت کی آرزو میں

جلتے ہیں جان و تن

اُجڑتے ہیں آشیانے

رُوح ہوتی ہے فنا

تڑپ بنتی ہے اِنتظار

فِکر و رنج مات دیتے ہیں

بے صبر ہوتا ہے جنُون

…مُحبّت کو گوارا نہیں

دُوری کے ڈستے بِچھّوُ

اشک بہاتے چشم

ہِجر کے جگتے سُورج

سازِش بُنتے جال

بے رُخ ادا و نظر

ڈرتے حوصلوں کا جوش

میں جہاں بھی گئی

ٹکراۓ وہ راستے جن

پہ چلتےہُوۓ مِلے اُس

کے نِشاں مگر وہ مِلا

…نہیں مُجھے

میں جہاں بھی گئی

اُن آنکھوں کی تلاش

میں رُوبرو ہُوئی اُس کی

روشنی سے مگر وہ مِلا

…نہیں مُجھے

میں جہاں بھی گئی

اُس احساس کی مِہک

گھیرے رہی میری آرزُو

کو مگر وہ مِلا

…نہیں مُجھے

میں جہاں بھی گئی

اُس کی آہٹ سُنائی

دیتی رہی آس پاس

مگر وہ مِلا

…نہیں مُجھے