Shayeri

….اُس کے شہر کی گلیوں میں

پُھول کِھلتے ہیں بے حساب اور

گھٹاؤں کے پردوں سے چَھنتی

دھُوپ مُحبّت برساتی ہے

….اُس کے شہر کی گلیوں میں

سُورج میرا نام لیتا ہے اور

چُومتا ہے اِس بدن کی

دِیواروں کو جب تِتلی بن

اُڑنے لگتی ہُوں

….اُس کے شہر کی گلیوں میں

مُسکراہٹ جب دبے پاؤں

آتی ہے اور رونق شاہانہ انداز

میں دستک دیتی ہے تو زندگی

اور خُوبصورت ہو جاتی ہے

….اُس کے شہر کی گلیوں میں

سُناتی ہے صبا عشق کی

کہانیاں تب چاروں اُور

گُلاب کی پنکھڑیاں رقص

کرتی نظر آتی ہیں

مُجھ سے شناساں ہے وہ قاتل دھڑکن

آشنائی کی حد گرَ شکست دے تو کیا کیجیۓ

اندھیرا خُوب چمکتا ہے اُس کے آنگن میں

روشن میری گلیاں گرَ ہوں تو کیا کیجیۓ

چاند سجدے کرتا ہے اُس کے قدموں میں

عبادت میں گرَاُس کا نام لُوں تو کیا کیجیۓ

دھنک اُدھار لیتی ہے اُس سے نۓ رنگ

اُس کے رُوپ میں گرَ نہا لُوں تو کیا کیجیۓ

شام اُن نظروں کی تاب سےحسن و جوان ہے

اِس جوبن پہ گرَ وہ اپناکرم کر دےتو کیا کیجیۓ

اُس کے وجُود میں چمک ہے بے پناہ ہیِرے سی

تراش لے گرَ وہ موم سے یہ جسم تو کیا کیجیۓ

مُحبّت کی کَڑی زنجیِرمیں بندھےہاتھ ہیں

سِتم گر نے قیدِ عاشقی میں مزارکھا ہے

سیلابِ درد میں چُھپا سرُور کا دریا ہے

سِتم گر نے بربادئِ دل میں مزا رکھا ہے

خُود کےآنسو پیتےہیں آبِ مےسمجھ کر

سِتم گر نے پیالۂِ زہر میں مزا رکھا ہے

شمعٰ اپنے وجود کو مِٹتا دیکھ رہی ہے

سِتم گر نے سوزِ آتِش میں مزا رکھا ہے

چُنتے لمحوں کے عکس میں کِھل رہے ہیں بھیگے پل

ٹُوٹ کے برسیں گے مُلاقات کے گہرے سایوں میں

سرشار ہے دل وصل کی حسین مِحفل سجانے کو

لِپٹ کے سمائیں گے باہوں کے نشِیلے سایوں میں

راحتِ چاہ میں سُلگتےارمان حد سےگُزرجائیں گے

بکھرکےسِمیٹیں گےجسموں کےمخملی سایوں میں

کِسی راستے بھی چل نِکلوُں

تیری آنکھیں پِیچھا کرتی ہیں

گہری جھیل کےعکس تلےچُھپے

ڈوبتی کِرنیں پِیچھا کرتی ہیں

سبز دوپہر کی تازگی میں بسے

روشن راہیں پِیچھا کرتی ہیں

تیری یاد کی شعاعوں میں گُونجتی

ایسی صدائیں پِیچھا کرتی ہیں

 

اُس کے ہاتھ کی خوشبو

ابھی تک اپنے جسم کے

گوشوں میں گردش کرتی

محسوس ہوتی ہے اور اِس

مہک کے سرُور سے  بھرنے

لگے جب رُوح کا آسمان تب

میرے دل کے مِحل میں

….تِتلیاں ناچتی نظر آتی ہیں

سوچتے ہُوۓ جب اپنی ذُلف

ایسے اُنگلی میں لَپیٹوُں تو

اُس کی پیار بھری نظر ایسے

چمکنے لگتی ہے  جیسے کالی

بَدلی سے جھانکتے چاند کی

شوخ کِرن فرش پہ قادر ہونے

لگے اور اِس روشنی سے میرے

حُسن کی  خورشید گلیوں میں

…..تِتلیاں ناچتی نظر آتی ہیں

اِنتہأِ قُربت کی آگ

میں جلتے ہُوۓ اِن

نظروں کی شام سے

جب چراغاں ہوتا ہے

اور لَب سُرخ شام میں

جذب ہونے لگتے ہیں تب

چھلَک جاتی ہے سُرمئ

آنکھ جس کو چُومتے ہی

نِگاہِ یار کا ستارہ جس کے

سَبب سے اُکھڑتی سانسوں کا

…..جنون جوش مارنے لگتا ہے

ساغرِ حُسن کی ڈگمگاتی

چال جب نشِیلے پیمانوں کو

چُھولے تب پَلکوں سے ٹکراتی

چِلمن اُلجھتی ڈوروں کو کھولنے

لگتی ہے اور دھیمی سرگوشی

روح میں اُتر جاتی ہے پھر یُوں گیِلی

موم کی مِہک  سے نوخیز کلیوں کا

…..جنون جوش مارنے لگتا ہے

بے اِختیاری کی اُڑان میں مُسکراتے بے قید پَل آزاد ہیں

کیسے سمبھالیں گے بےلگام وقت میں چُھپے حِصار کو

بے بس لمحوں کی آڑ میں بے خوف رنگین اِرادے اَٹل ہیں

کیسے تھامیں گے بے خُودی میں بسے تلا تُمِ جذبات کو

بے حِساب و اِنتہا میں ٹُوٹتے بے پرواہ جسم و جان ہیں

کیسے روکیں گے بے کَل آوارہ شُعلوں کے سُلگتے ساز کو

بے مثال عشق کے مِحور سے آراستہ ہے بے پناہ گُل رُخ

کیسے سمیٹیں گے بے چین کروٹوں کے شبنمی جالوں کو

راتیں تُمہاری سیاہِیاں میری

یہ تُحفۂِ اُلفت تُمہارے لیۓ ہے

برساتیں تُمہاری تنہائیاں میری

یہ تُحفۂِ آرزو تُمہارے لیۓ ہے

فِضائیں تُمہاری آندھیاں میری

یہ تُحفۂِ دل لگی تُمہارے لیۓ ہے

کِرنیں تُمہاری چِنگاریاں میری

یہ تُحفۂِ تِشنگی تُمہارے لیۓ ہے

قُربتیں تُمہاری دُوریاں میری

یہ تُحفۂِ وفا تُمہارے لیۓ ہے

شُہرتیں تُمہاری رُسوائیاں میری

یہ تُحفۂِ جنُون تُمہارے لیۓ ہے

تُمہیں کھو دُوں تلاشِ خُودی میں بنجر نظر آنے لگوُں

نہ کوئی کھنڈر نہ کسی صحرا جہاں مِل سکوں گی

اَب کے مدھم ہُوۓ جو ستارے تو ذاتِ عرش فنا ہوگی

نہ کوئی کُہرے نہ کسی اندھیرے جہاں مِل سکوں گی

روشن دریچے وِیران اُجالوں میں غرق ہو جائیں گے

نہ کوئی گُلشن نہ کسی بیاباں جہاں مِل سکوں گی

شبنمی غم سے تَر ہو جائیں گے پیالۂِ رُخسار ایسے

نہ کوئی مہ خانہ نہ کسی راہ گُزر جہاں مِل سکوں گی

شمعٰ دہلیزِ انجام پہ قدم رکھتے ہی دم توڑ دے گی

نہ کوئی آشیاں نہ کسی قندیل جہاں مِل سکوں گی