Shayeri

آج شَب جب میری مِحفل میں چاند اُترا

روشنی سے جگمگا اُٹھا

میرا آشیانہ جب

اُسکے آنے کی خبر نے

مِہکا دِیۓ در و دیوار میرے

گُل و گُلزار کے

حسین رُخ پر

خُوشبو بِکھر گئ

دِل کی گلیوں میں

انگڑایاں کروٹ لینے لگیں

آج شب جب میری مِحفل میں چاند اُترا

 

اُڑتی جا رہی تھی میں

سرُور کے جھونکوں میں

اُس خُوبرُو شخص کے

وجُود سے آنگن میرا

جِھلمِلا اُٹھا جیسے

آسمان کی چادروں پر

کِہکشاں رقص کرے

دستک دینے لگی بہار

سرد رات میں اور

مُکمَّل ہوئے ہیں اَب

پھِیکے لمحے میرے

آج شب جب میری مِحفل میں چاند اُترا

 

 

شمعیں جلیں گِیں گَر پِگھل نہ پائیں گی

یہ لمحے تیرے اِنتظار میں گُزر ہی جائیں گے

گُلا ب کِھلیں گے گَر مِہک نہ پائیں گے

یہ لمحے تیری راہ تکتے ہی نِکل جائیں گے

نظریں چمکیں گِیں گَر مُسکرا نہ پائیں گی

یہ لمحے تیری جُدائ میں بِیت ہی جائیں گے

حُسن سنوریں گے گَر  دِیدار نہ پائیں گے

یہ لمحے تیری حسرت میں کَٹ ہی جائیں گے

چا ہت کے پُر مست کُہروں سے نِکلنا ہوگا

طلِسمات کے فریبی عجوُبوں سے بِچھڑنا ہوگا

خُود کو حسِین بَندِشوں سے آزاد کر کے

بنھور کے نادِر دھوکوں سے سنبھلنا ہوگا

زِہرِ عشق کے شِیریں پیالوں کو چھوڑ کر

پیاسے صِحرا کو اشکوں سے بِھگونا ہوگا

دِل کے جھُوٹے دِلا سوں سے ذات کو بچا کر

سچ کے آئینے کو رنگوں میں ڈبونا ہوگا

جب وہ پلکیں اُٹھاۓ

تو اُس کی آنکھوں کے

گُلابی ڈورے روشن

کرتے ہیں اُجالے جِن سے

آفاق اور وسیع

سویرے دِلنشیں اور

نظر آتے ہیں

 

اور سمُندر کے

سنہرے شِیشوں

میں اپنا ہی عکس

دیکھ کے میں

دِل ہی دِل میں

مُسکرا لیتی ہوُں

 

ساحر نِگاہوں

کا پیام لے کے

اُس قاتِل انداذ سے

جِن کی خُماری میں

چھَلکتے میکدے اور بھی

نشیِلے ہو جاتے ہیں

اور میں جُھولنے لگتی ہوُں

بے اِختیار اِن میں اور

 

ایک ہی بات کِہتی ہیں

تب میری آنکھیں

کہ میرے دِل و جان عاشِق

اِن شربتی آنکھوں پَر

 

اِحساس کی لِہر سے جگتی بے چین مستی

یہ شوخی تُمہا رے دم سے ہے

بے تاب دل سے اُٹھتی سُلگتی تمنّا

یہ دھڑکن تُمہارے دم سے ہے

صبا کے مچلنے سے تڑپتی اگن

یہ کشش تُمہارے دم سے ہے

سرگوشی کے شور میں چُھپی داستان

یہ چاہت تُمہارے دم سے ہے

ضرُوری تو نہیں وقت و لمحے اِحساس میں ذندہ ہوں

دردِکسک کی آشنائ سے بے حِس ہو بھی سکتے ہیں

ضرُوری تو نہیں  سِحر و شب اِحساس میں ذندہ ہوں

اثیِرحِدّت کی آشنائ سے بے خُود ہو بھی سکتے ہیں

ضرُوری تو نہیں رنگ و خوشبوُ اِحساس میں ذندہ ہوں

اِنتہاءِ شوق کی آشنائ سے بے سُدھ ہو بھی سکتے ہیں

مُحبّت بھی چاہت نفرت بھی چاہت

دونوں جہاں کی شُہرت بھی چاہت

کِتنا کُچھ سماۓ ہے اِس آنچل میں

دِل کی وِیرانی کو گُلِستاں کی چاہت

شاموں میں چُھپے بے خُود ساۓ

نظروں کی ٹھنڈک کو روشنی کی چاہت

مایوُس دھڑکن کی بےصبر تمنّائیں

قدموں میں بسی آہٹ کی چاہت

کُہرے کی دُھند میں کھوئ ہو جیسے

بند مُٹھی میں قید رُوح کی چاہت

میری ذات سے لِپٹی ہیں یوُں جالوں کی قطاریں

ریشم بُنتی بھی نہیں گِرہَ کھولتی بھی نہیں

خُوش فہمی کی عِما رت یوں تعمِیرِ عمل  ہے

سچ سُنتی بھی نہیں جُھوٹ چھُپاتی بھی نہیں

شرم و حیا  سے آراستہ یوں  زیورِ ہستی  ہے

نظر اُٹھا تی بھی نہیں پَلک جُھکا تی بھی نہیں

سِراجِ اُلفت میں  پیوست ہے یوں لَؤِ شمعٰ

اِرادہ کرتی بھی نہیں پِیچھے ہٹتی بھی نہیں

 

عرُوج پہ جنُون تھا تو تب سب اچھا تھا

وقت جب آوارہ تھا تو تب سب اچھا تھا

ادھُورے پِہر کی آغوش میں جو کھیلا تھا

اُس مات کا نظارہ تب اچھا تھا

کسک سے نہ آشنائ تھی اُسے جو

سنجیدہ تھا اِک دَور تب سب اچھا تھا

پرستِش کے قابِل تو تھا وہ مُجسّمہ

کا فِرانہ انداز تھا اِنسان تب وہ اچھا تھا

آتِش سے کون سُلگاۓ موم کی گرمی کو

پِگھلتی شمعٰ کا پروانہ تب وہ اچھا تھا

جِن کی کشش سے فِروزاں ہیں چراغِ دل

وہ مِہکش آنکھیں میرے دل کا مرکز ہیں

جِن کی حسرت میں پنہاں ہیں خوابِ تعبیر

وہ مِہکش آنکھیں میرے دل کا مرکز ہیں

جِن کی تبسّم  سے بیاں  ہو  پیغامِ وفا

وہ مِہکش آنکھیں میرے دل کا مرکز ہیں

جِن کی ترنُّم سے جا ویداں ہو رقصِ اُلفت

وہ مِہکش آنکھیں میرے دل کا مرکز ہیں

جِن کی چمک سے عیاں ہو ستارہۂِ شمعٰ

وہ مِہکش آنکھیں میرے دل کا مرکز ہیں