معصُوم حسرت

دُور ایک سڑک راستہ انجان مگر پتھرِیلا

ڈُھونڈتی یہ نظر ، بچپن کا سفر طے کرتے کرتے

دھندلا سایہ گہری نِگا ہیں اور اندازِقتل

کھوجتی یہ نظر ، بچپن کا سفر طے کرتے کرتے

جادؤِسراب میں چُھپے گِہرے نظر کے اُجالے

دیکھتی یہ نظر ، بچپن کا سفر طے کرتے کرتے

خواہِشوں کی باہوں میں جُھولتی آرزو ہو کوئ

چاہتی یہ نظر ، بچپن کا سفر طے کرتے کرتے

مِہکتے آنچل میں لِپٹی تمنّا ہے وہ تو

ترستی یہ نظر ، بچپن کا سفر طے کرتے کرتے