Shayeri

اَب نہ غُنچہ کِھلے نہ پتّے ٹُوٹے

کبھی سنورتا تھا وہاں گُلستاں

اَب نہ چھاؤں رہی نہ دھُوپ اُگی

کبھی نکھرتا تھا وہاں آسماں

اَب نہ شبنم گِری نہ موم جمی

کبھی چمکتا تھا وہاں آشیاں

آب نہ دَور گُزرے نہ زمانہ رُکے

کبھی سجتا تھا وہاں کارواں

آب نہ دن سوۓ نہ شب جگے

کبھی بَستا تھا وہاں جہاں

تھک کے جب وہ سوتا ہوگا

اور نیند کے دروازے اُن جھروکوں

میں کُھلتے ہونگے تب ایک سراب

جلتی شمعٰ لیۓ خوابِیدہ آنکھوں

…کی طرف بڑھتا جاۓ گا

جلتی مشعٰل لیۓ اپنے پیراہن

میں لپیٹے جس حدّت سے اُن

دھڑکنوں کے در پہ دستک ہوگی

تب گرم لبوں پہ مدھم سی

…ہنسی بِکھرتی جاۓ گی

اُن آرام پَلوں میں ٹَٹولتی بےچین

سانسیں سرُور کے میٹھے پیالوں

کا رس پینے لگیں گی تب کہِیں

مچلتی چِنگاریاں رُوح کو ہلکا سا

…بِھگوتی نظر آئِیں گی

فِردوس اُس پیکرِ عشق کی آرزو

میں اپنے جوبن سےجب اُن کناروں

کو درخشاں کرے گی تب شجر کی

ڈالیاں اُسے پھُولوں سے نہلائیں گی پھر

اُس راہ سے اِس منزل کا سفر پل بھر

…میں پار ہوتا جاۓ گا

اُن بےخبر نینوں میں چُھپی حسرتوں

کے کِھلتے چمن اُس کے بدن کو گُدگُدانے

لگیں گے تب اِس چاؤ کی لگن

اُسے آہستہ آہستہ نیند سے بیدار

…کرتی جاۓ گی

اور وہ واپس حقیقت میں لَوٹ آۓ گا

تُمہیں یاد آتی ہے میری جیسےصحرا کو بارش کا اِنتظار ہو

کیا تُم جانتے نہیں برستی ہےبارش ہی دشت میں مِل جانےکو

جن نشیلی عادتوں میں لگ رہی ہُوں خود کو بھُولتے بُھولتے

کیاتُم جانتے نہیں یہ ساقی کی نظروں سے پلایا ہُوا جام ہے

اِس وحشتِ ہِجر کے وصل سے چُرانا چاہتی ہُوں اب تُمہیں

کیا تُم جانتے نہیں آرزُو میں کشِش جگاتی ہے دُوریاں ہی

جس درد و رنج میں تُم سِمٹو وہ کسک گھاؤ سے آشنا ہے

کیا تُم جانتے نہیں اِس روگ میں چارہ گَر بھی زخم کھاۓ ہے

جب بھی سوچیں تُمہیں مہکنے لگتے ہیں جسم کے گُلِستاں

کیا تُم جانتے نہیں چمن میں خطاوارکہلاتا ہےگُلشن فروز ہی

جنہیں پا کے آراستہ ہیں در و بام میرے آشیانےکے گرچہ

کیا تُم جانتےنہیں روز آنگن میں میرےدُلہن بن کےسجتی ہے رات

گُلشن گُلشن رُوح کھِلتی گئی

تُمہیں دیکھا شام مہکاتے ہُوۓ

جھرنوں کی لےمیں بِہنے لگی

تُمہیں دیکھا پیار برساتے ہُوۓ

پہاڑ سُناتے رہےمست کہانیاں

تُمہیں دیکھا گِیت گُنگناتے ہُوۓ

ستارےسےکہکشاں بنتی گئی

تُمہیں دیکھاعرش پہ مُسکراتے ہُوۓ

سمندر میں ڈُوب رہی تھی پری

تُمہیں دیکھا لہروں میں آتے ہُوۓ

رنگین تِتلیوں کو اُڑاتاگیاآنچل

تُمہیں دیکھاہوامیں بَل کھاتے ہُوۓ

آبشارسے سُنی نشیلی رُباعیاں

تُمہیں دیکھا جام پِلاتے ہُوۓ

شمس کی پلکوں میں اُتری چاندنی

تُمہیں دیکھا خوُد میں سماتے ہُوۓ

جھیل سرہانےکنول میں سوئی

تُمہیں دیکھا عکس چُراتے ہُوۓ

وادیوں میں دھڑکنوں کا شور سُنا

تُمہیں دیکھا باہیں پھیلاتے ہُوۓ

بادلوں کی آغوش میں چلتی گئی

تُمہیں دیکھا نظر اُٹھاتے ہُوۓ

ہر موڑ پہ اُن ہاتھوں

کی نرمی میرے سفر

کو دلکش بناتی رہی

اور اپنی باہیں میں اُس

…سِمت پھیلاتی رہی

ہر موڑ پہ وہ مُسکراہٹ

ایک چمکتے سمندر کی

طرح مُجھے مِلی جدھر بھی

…یہ دل گیا

ہر موڑ پہ اُس نگاہ

نے خُوشگوار کیۓ میرے

راستے جب جب بادلوں پہ

…پاؤں میرے پڑے

ہر موڑ پہ وہ باہیں مُجھے

بُلاتی رہیں جن کےدائروں

میں چُھپ کے تصویر

…میری بنتی گئی

ہر موڑ پہ اُس آواز

نے کئی بار نام میرا لیا

اور میں کھچتی گئی اُن

…صداؤں کی جانب

ہر موڑ پہ اُن قدموں

کی آہٹ نے روکنا چاہا

مُجھےاور میں چُنتی گئی

…وہ پُر کشش نِشاں

ہر موڑ پہ اُس شخص

کی خوشبو نے پِیچھا کیا

میرا اور میں اِس تلاش میں

…جذب ہوتی گئی

 

سَرسَرسرکتی ہوائیں جہاں مدہوش ہوکرجھُومنےلگیں

جذبات کے پردوں پہ جہاں مخملی جال بِچھتے ہوں

دلکش انداز میں جہاں سجتے ہوں گُل و شجر بھی

….وہ شہر میرے جانم کے نام سے پہچانا جاتا ہے

جہاں سحر و شب چاندنی سجدے کرتی ہو

جہاں ہر پل بارش ٹُوٹ کے برستی ہو

جہاں دھنک کے آسمان میں حُسن کھیلے

….وہ شہر میرے دلبر کی دھڑکنوں سےمنسُوب کیاجاتا ہے

جس کی مِہک میں کِھلنے لگیں جسم و جان

جس کی ذُلف کو چُومیں تو ریشم بَنیں

جس کی سانسوں میں سمندر سی بے چینی ہو

….وہ شہر میرے محبُوب کی خوشبو سے یاد کیاجاتا ہے

جہاں دل عبادت میں صرف اُس کا نام لے

جہاں اُس چہرے کے سامنےسورج بھی ماندھ پڑے

جہاں سوآسمان بھی کم ہوں اُن بانہوں میں گُم ہو نےکو

….وہ شہر میرے گُلفام کے وجود سے جانا جاتا ہے

میں ایک خیال ہُوں جس کی

…حیِثیّت سیِپ میں بند موتی سی ہے

کوئی سراب ہُوں جس میں

…گُم ہو جانے کا ڈر ہو

ایک مُرجھایا گُلاب ہُوں جس کے

…رنگ میں شوخی کمال کی ہے

یا صرف ڈھلتی شام جس کے

…آسمان پہ شمس کا گُزر نہ ہو

شاید تَپتی ریت ہُوں جس میں

…جلنے سے راحت بخشتی ہےپیروں کو

وہ چاندنی ہُوں جس کے

… داغ میں جھیل آئینہ دیکھتی ہے

کبھی نرم احساس کا بِچھونا جس کے

…آنچل میں کانٹوں کے گُلدستے ہیں

یا صرف ڈُوبتا سمندر جس میں

…فنا ہونے کا خوف بھی نہیں

میں وہ پرچھائی کو اوڑھے ہُوں جو

…اپنی شناخت ڈھُونڈ رہی ہے

کوئی سایہ ہُوں جو فقط

…چھاؤں میں نظر آۓ

ایک خواب کی ذینت ہُوں جس کی

…شان میں حقیقت سجدے کرتی ہے

کسی مہربان کا عکس جس کا

…آئینہ ریزہ ریزہ  ہو گیا ہے

کوئی بِسری داستان ہُوں جس کو

…یاد کرنا دُشوار ہے

یا پھر سِسکتی شمعٰ جس کے

…جنون کو ایک جھونکے کا اِنتظار ہے

تُم کہتے ہو جاناں جی بھر کے نہ دیکھیں ہم تُمہیں

اِجازت دو کہ تُمہیں جُھکتی پلکوں میں چُھپاسکیں ہم

تُم کہتے ہو پیامِ مُحبّت نہ عیاں ہو چہرے سے کِہیں

اِجازت دو کہ حالِ دل آنسوؤں میں ادا کر سکیں ہم

تُمہیں ڈر ہے ٹکرا نہ جائیں کہِیں چلتے چلتے دو دل

اِجازت دو کہ یہ پل احساسِ خوشبو سےبھر سکیں ہم

تُمہیں ڈر ہےدھڑکنِ دل کا شورنہ سُن لیں غافِل کہِیں

اِجازت دو کہ سوزِ ساز میں چُور حال سُنا سکیں ہم

تُم کہو تو کترا کر گُزر جائیں اِس مقامِ وصل سے

اِجازت دو کہ عشقِ رُوحِ میّت کو دفنا سکیں ہم

تُم کہو تو آشیانِ چلمن میں شمعٰ اپناوجود مِٹا دے

اِجازت دوکہ تُمہارےنام کو موم پہ تراش سکیں ہم

دیکھ رہے ہو تُم ہر لمحہ مُجھے محفل ہو یا تنہائی

جُدا ہوُۓ ہم ٹھہری رہی نظر آنکھوں میں جذب ہو کر

عالمِ وصل پہ نہ کوئی اِختیار نہ جور و جفاکی بندش

بدن جُدا ہُوۓ رُوح گُھل گئی سانسوں میں جذب ہو کر

نگاہِ شوق کی عِنایت سے ہُوۓ میرےجان و تن فروزاں

اندھیراسوۓ چاندنی اُترنےلگی دھڑکنوں میں جذب ہوکر

خائِف ہوتا ہے دل ہِجر کی آزمائش سے جب بھی گُزرے

لمحہ غرُوب ہُوا جاگ اُٹھی قُربت کرنوں میں جذب ہو کر

احساسِ دُوری کی کسک نے دلاۓ ہیں یاد نشِیلے پَل

لَب خُشک ہُوۓ اور بھیگتے گۓ آہوں میں جذب ہو کر

ہاۓ وہ خوُشبو میں لِپٹے ہاتھ

میری ہستی کو فنا کر چلے

وہ پناہوں کے مظبُوط جھرونکے

پِھر سے ارماں جگا کر چلے

چمکتی زنجیروں کے قید خانے

دل کے پنجرے کو اُڑا کر چلے

اُف وہ آئینے سےشفاف ساۓ

پِھر سے میری رُوح چُرا کرچلے

اَن کہےالفاظ کہہ گۓ اِشاروں میں

وہ اِک نئی پیاس کو بڑھاکرچلے

رُوٹھےجذبات کی راکھ اُڑتی گئی

شمعٰ کی موم کو پِگھلا کر چلے