Shayeri

تیری ایک صدا پہ جو دوڑی چلی آتی ہُوں

لگن شاید اِسی کو کہتے ہیں

بِچھاۓ ہیں پھُول تیری راہ گزر میں ایسے

چاہت شاید اِسی کو کہتے ہیں

جِس سرُور میں ہم مِل رہے ہیں صنم

خُماری شاید اِسی کو کہتے ہیں

مہک رہا ہےمیرا پیراہن تیری خوشبو سے

محبّت شاید اِسی کو کہتے ہیں

دل ہی دل میں مُسکرانے لگی ہُوں اب تو

نزاکت شاید اِسی کو کہتے ہیں

پرستار ہوُں میں اُس سراپإِ نُور کی

بندگی شاید اِسی کو کہتے ہیں

خود سے ڈر لگتا ہے کہ

سمندر کی آغوش

میں چُھپ کے

اُس کی دھڑکنوں کے

شور کو سُن کے

جو پُکارتا ہے مُجھے

خود میں سما جانے کو

اور گہرے پُر کشش

نیلے رنگوں میں

گَر کھو جاؤں

تو کیا ڈُوب جانے کا ڈر ہے؟

خُود سے ڈر لگتا ہے جب

خوشبو جو جھانکتی ہے

دریچوں سے تب

میرے جانم کی

کشش سے تڑپتا ہے

وجود کُچھ اِس طرح

کہ شمعٰ کِھنچی جانا

چاہتی ہے باہوں

میں مر جانے کو

تو کیا مُکمّل ہو جانے کا ڈر ہے؟

ہاں خُود سے ڈر لگتا ہے

کہ کہیں موم بن کر

اُس کی ہتھیلی پہ

پِگھل نہ جاؤں اور

قطرہ قطرہ جلوُں تو

یہ کسک بڑھتی ہی جاۓ

تب خود کو سونپُوں

اُس کے شعلوں میں

تو کیا فنا ہو جانے کا ڈر ہے؟

اور خود سے ڈر لگتا ہے

جب چمکتے چاند کے

نُور میں نہا کے

نِکلوں اور ریزہ ریزہ

ہو جاؤں اُس شبنمی

لمس میں نِکھر جاؤں

تو کیا سنور جانے کا ڈر ہے؟

اب خود سے ڈر لگتا ہے

ٹُوٹیں جسم تو

سمبھلیں گے کیسے

پھر اِن زنجیروں

میں جکڑے واپس

لَوٹیں بھی

تو کیا آزاد ہو جانے کا ڈر ہے؟

کوئی مِحفل تیری یاد سے خالی نہیں جاتی اب تو

ختم کر رہی ہے عالمِ بے بسی دل کو دھیرے دھیرے

تماشائی نظر آتے ہیں گِرد و نواہ جال پھیلاتے ہوُۓ

فنا کر رہا ہے حُسنِ بناوٹ احساس کو دھیرے دھیرے

ماندھ پڑ گۓ ہیں آنکھوں کےاُجالے تجھے ڈُھو نڈتے

کاٹ رہی ہے سیاہِ فُرقت  رُوح  کو دھیرے دھیرے

نا پسند خُود نظر آنے لگتی ہوں جب تُو نہ ہو سامنے

چِیر رہا ہے گھونٹِ زہر جگر کو دھیرے دھیرے

نۓ رنگوں میں پَل رہی ہوُں دیکھو

آبِ نوَ میں دُھل رہی ہوُں دیکھو

کچّے تھے جو ذرۂِ مِٹّی کے نِشاں

خاکِ نوَ میں گُھل رہی ہوُں دیکھو

جاگ اُٹھی ہیں بےلگام خواہشیں

حسرتِ نوَ میں ڈَھل رہی ہوُں دیکھو

شب جوان دن بے کل ہُوۓ جاتے ہیں

اُمنگِ نوَ میں جل رہی ہوُں دیکھو

نِکھر رہے ہیں موتئِ سِیپ اور بھی

بارشِ نوَ میں چل رہی ہوُں دیکھو

ساحِرآنکھوں کے ٹکراتے ہی
صُبحیں آزاد راتیں قیدی
مُحبّت بے خود، مراسم قرِین ہیں
آدھی سوئ آدھی جاگی حسرتوں میں
پِنہاں بے اِختیار انگڑائیاں اور
اِن میں بَستی جوان ترستی
شبنم کی ذندگی جِن سے
سیراب ہوتی ایک ایک بُوند
جو فریادکرتی ہے ایک گُھونٹ کی

ساحِرآنکھوں کے ٹکراتے ہی
جب بِجلیاں گردِش کرتی ہیں
جُستجو دائروں میں مِل جاتی ہیں
اور کَسمساتی آگ کے ارمانوں تلے
جب ہوتے ہیں اندھیرے اجنبی
تب ایک رُت کی بدلی سے
چھاؤں جھانکنے لگتی ہے اور
سُرخ شرم کے جوبن پر یہ
پھُول مَسلتے رہتے ہیں

ساحِرآنکھوں کےٹکراتے ہی
اَنچھُوئ مست تمنّائیں جَگتی ہیں اور
گرم جذبوں کی حرارت سے
فِشاں ہوتے ہیں راز تب اور
شوخ نظروں سے جام پِیتے ہوُۓ
لَڑکھڑاتے بھی ہیں اور پِلاتے بھی ہیں

جاتے جاتے وہ مُجھے نذرانہ دے گیا

ہونٹوں کو پیاس آنکھوں کو شرمانہ دے گیا

برق سی لِہر خُونِ جگر چِیرتی رہی

نۓ سِلسلوں کو انداذ قاتِلانہ دے گیا

نظریں ٹِھہری رہیں وقت چلتا رہا

چند بِسروں میں ایک زمانہ دے گیا

چُھپتی رہی شمعٰ جلالِ یار میں

قندِیل کی سوغات میں آشیانہ دے گیا

نظریں مِلاؤں بھی تو کیسے

ایسے حِصار سے ڈر لگتا ہے

جو تھم چُکا ہے مُدتّوں بعد

ایسے برسنے سے ڈر لگتا ہے

مخملی جال میں بندھی ہو جیسے

ایسی زنجیِر سے ڈر لگتا ہے

گرم بندِشوں کے گھیرے ہوں جیسے

ایسے کھو جانے سے ڈر لگتا ہے

تَپتی دھُوپ کا اُجالا ہو جیسے

ایسے جل جانے سے ڈر لگتا ہے

شمٰع فنا ہُوئ ہے جِس کے لِیۓ

ایسے لُٹ جانے سے ڈر لگتا ہے

آج دِل پھر غمگین سا ہے

اُس کا وجُود ہم نشیِن سا ہے

سایہ جو ہر سُو پیچھے پڑا ہے

اُس کا سراب دِل نشِین سا ہے

نیند سے بیدار ہوُئ جو کروٹ

خواب کُچھ اُس کا رنگین سا ہے

رُوح میں اُتر گیا جو سانس بن کر

قطرۂِ خُون وہ نمکِین سا ہے

چُرا لِیا جس نے میرا سب کُچھ

چاند وہ تھوڑا ذمِین سا ہے

دردِ دل نا مُکمّل

چین و حسرت نا مُکمّل

دھڑکنِ دِل بے زار

رَگ و جاں نا مُکمّل

بے دِل رونقِ ہنسی

شوخئِ زنجیِر نا مُکمّل

لکیِرِ نصیب ِ یار

حیاتِ بندَگی نا مُکمّل

سِلوٹِ ریشمِ دہلیِز

عادتِ خُمار نا مُکمّل

بے خود خواہشِ وصل

جلوۂِ نظر نا مُکمّل

آنسوُ چُھپائیں کب تک نِیندیں گنوائیں کب تک

کِرن تو دستک دے چُکی سوگ منائیں کب تک

قِسمت کی آڑ میں چُھپی بربادی نظر آئ تو

دامن میں آگ بُجھانے کے ڈر کو چُھپائیں کب تک

تیرے ساۓ نے در کھولے ہیں موت کے چاروں اَور

ذِندگی کے پیچھے بھاگتےخود کو رُلائیں کب تک

میری بے بسی نے ہاتھ پَکڑا ہے میرا کُچھ اِس طرح

تیری کسک کی خوشبُو سے پِیچھا چھُڑائیں کب تک

رات کی سیاہی پہ کہکشاں کا رقص دیکھا تو ہے

ادھُورے چاند کی تنہائ کے داغ کو ٹُھکرائیں کب تک